निर्माल्याची शुद्धता – निसर्गाची समृद्धता चोपडा नगरपरिषदेचा अभिनव उपक्रम – निर्माल्य संकलनाची ऐतिहासिक सुरुवात

  निर्माल्याची शुद्धता – निसर्गाची समृद्धता चोपडा नगरपरिषदेचा अभिनव उपक्रम – निर्माल्य संकलनाची ऐतिहासिक सुरुवात  चोपडा प्रतिनिधी (संपादक -:...

 निर्माल्याची शुद्धता – निसर्गाची समृद्धता

चोपडा नगरपरिषदेचा अभिनव उपक्रम – निर्माल्य संकलनाची ऐतिहासिक सुरुवात 

चोपडा प्रतिनिधी

(संपादक -:-हेमकांत गायकवाड)

चोपडा : श्रद्धाळूंच्या भावना जपणारे निर्माल्य... ज्याला आजपर्यंत आपण केवळ फेकणीय वस्तू समजले, त्याच निर्माल्याला आता नवे पवित्र स्थान मिळणार आहे. चोपडा नगरपरिषद आणि त्यांचे गतिमान मुख्याधिकारी तथा प्रशासक यांनी पर्यावरणसंवर्धनाच्या दिशेने एक अभिनव पाऊल उचलले आहे. स्वच्छ सर्वेक्षण व माझी वसुंधरा अभियान अंतर्गत हा नाविन्यपुर्ण उपक्रम राबविण्यात आलेला आहे. शहरामध्ये निर्माण होणारे निर्माल्य याची शास्त्रोक्त पद्धतीने विल्हेवाट लावणेकामी शहरातील सर्व धार्मिक स्थळांना निर्माल्य कलश नगरपरिषदेमार्फत देवून ते घंटागाडीला लावण्यात आलेल्या निर्माल्य संकलन बॅगद्वारे संकलीत करण्यात येवून त्यापासुन खत निर्मिती करण्यात येणार आहे. त्याचप्रमाणे या उपक्रमामुळे चोपडा शहराची राष्ट्रीय पातळीवर एक वेगळी ओळख निर्माण होणार आहे. सदरचा उपक्रम हा पर्यावरनपुरक उपक्रम म्हणून ओळखला जाणार आहे. 

“निर्माल्य संकलन उपक्र” या नावाने ओळखल्या जाणाऱ्या या योजनेत शहरातील 60 पेक्षा अधिक धार्मिक स्थळांना ट्रॉलीसह खास निर्माल्य कलश वितरित करण्यात आले आहेत. धार्मिक स्थळी रोज उरलेल्या फुलांपासून फळांच्या सालींपर्यंत, हळद-कुंकवाने माखलेल्या पानांपासून नारळाच्या शेंड्यांपर्यंत—सर्वच पवित्र अवशेषांचे आता योग्य संगोपन होणार आहे.

🛺 15 घंटागाड्यांना विशेष क्रमांक देऊन त्यांच्यावर निर्माल्यसाठी स्वतंत्र बॅग लावण्यात आली आहे, जेणेकरून निर्माल्य इतर कचऱ्यात मिसळणार नाही.

> “निर्माल्य हे केवळ कचरा नाही, तर श्रद्धेचा सुगंध दरवळवणारा ठेवा आहे. जर ते काळजीपूर्वक संकलित केले, तर निसर्गालाही श्वास घेता येतो. या निर्माल्यापासून सेंद्रिय खत तयार करणे आणि महिला बचत गटांना प्राधान्य देऊन अगरबत्ती निर्मिती करणे—हीच खरी सामाजिक सेवा आहे. या पवित्र कार्यात सर्व पुजारीगणांनी / नागरीकांनी पुढाकार घ्यावा, कारण त्यांच्या शब्दांना समाजात आदराने मानले जाते.” असे कार्यक्रमाप्रसंगी मुख्याधिकारी श्री.राहुल पाटील यांनी प्रतिपादन केलेले आहे.

🙏 *पुजारीगणांचे मनोगत:*

उपस्थित मान्यवर श्यामभाऊ, प्रवीण चौधरी, सुनील नाईक यांनी आपल्या मनोगतातून या उपक्रमाचे स्वागत करत नागरिकांमध्ये जनजागृती करण्याचे आश्वासन दिले. पत्रकार उमेश नगराळे यांनी या अभिनव संकल्पनेचे कौतुक करत त्यास प्रसारमाध्यमांतून व्यापक पोच देण्याचे आश्वासन दिले.

🌸 *‘वेस्ट टू बेस्ट’ संकल्पना – नवा अध्याय*

संकलित निर्माल्याचा पुढे उपयोग सेंद्रिय कंपोस्ट खत निर्मितीसाठी केला जाणार आहे. विशेष म्हणजे, महिला बचत गटांना या प्रक्रियेत सामील करून अगरबत्ती निर्मितीचा नवा अध्याय उघडण्यात येईल, ज्यातून रोजगारनिर्मितीचा सुवर्णप्रसंग निर्माण होईल.

🌟 चोपडा नगरपरिषदेचा हा उपक्रम महाराष्ट्रासाठी आदर्श ठरेल, अशी अपेक्षा व्यक्त केली जात आहे.

🌿 *“श्रद्धा शुद्ध ठेवा, निसर्ग समृद्ध करा”* या ब्रीदवाक्यासह चोपडा नगरपरिषदेने पर्यावरण रक्षणाचा नवा अध्याय सुरू केला आहे.

वरील कार्यक्रमास उपमुख्याधिकारी श्री.संजय मिसर, कर अधिक्षक श्री.संदिप गायकवाड, स्वच्छता निरिक्षक श्रीमती दिपाली साळुंके, श्री.जयेश भोंगे, शहर समन्वयक श्री.स्वप्निल धनगर तसेच स्वच्छता विभागाकडील मुकादम श्री.सुनिल भोई व इतर मुकादम, मदतनीस, सफाई कामगार उपस्थित होते.