विकसित भारतासाठी नशा मुक्त युवा: वाराणसी मधून ड्रग्जमुक्त भारताचा एक नवीन आवाज उठेल – केंद्रीय राज्यमंत्री श्रीमती रक्षाताई खडसे (वाराणसी ...
विकसित भारतासाठी नशा मुक्त युवा: वाराणसी मधून ड्रग्जमुक्त भारताचा एक नवीन आवाज उठेल – केंद्रीय राज्यमंत्री श्रीमती रक्षाताई खडसे
(वाराणसी उत्तर प्रदेश)
(संपादक -:- हेमकांत गायकवाड)
वाराणसी (उत्तरप्रदेश) येथील रुद्राक्ष इंटरनॅशनल सेंटर येथे युवक कल्याण व क्रीडा मंत्रालय, भारत सरकार यांच्यामार्फत १८ ते २० जुलै दरम्यान “युवा आध्यात्मिक शिखर परिषद २०२५” चे आयोजन करण्यात आले आहे या शिखर परिषदेचा उद्देश आहे – “विकसित भारतासाठी नशा मुक्त युवा” म्हणजेच एक असा भारत जिथे तरुण ड्रग्जमुक्त, सक्षम आणि राष्ट्र उभारणीत सहभागी होतील. माननीय गृहमंत्री श्री. अमित शाह प्रमुख पाहुणे असतील आणि हिमाचल प्रदेशचे राज्यपाल श्री. शिव प्रताप शुक्ला समारोप सत्राला उपस्थित राहतील.
मुख्य उद्देश – तरुणांना दिशा देणे
या उपक्रमाचे तीन मुख्य उद्दिष्टे आहेत:
१. तरुणांना अंमली पदार्थांच्या व्यसनापासून मुक्त करणे, २. सरकार आणि सामाजिक-सांस्कृतिक संस्थांची भागीदारी मजबूत करणे, ३. धोरण निर्मितीमध्ये तळागाळातील लोकांचा सहभाग सुनिश्चित करणे
कोण सहभागी आहेत?
आरोग्य आणि कुटुंब कल्याण मंत्रालय, सामाजिक न्याय मंत्रालय, संस्कृती मंत्रालय, अंमली पदार्थ नियंत्रण ब्युरो (NCB), एम्स आणि इतर प्रमुख संस्था तसेच आध्यात्मिक संघटनांचा देखील सहभाग असून, देशातील १०० हून अधिक आध्यात्मिक आणि सामाजिक संघटनांच्या युवा शाखा या शिखर परिषदेचा भाग असतील: त्यामध्ये मुख्यत: BAPS, आर्ट ऑफ लिव्हिंग, ईशा फाउंडेशन, ब्रह्मा कुमारी, पतंजली, हार्टफुलनेस या प्रत्येक संघटनेतून ५ युवा प्रतिनिधी सहभागी होतील.
चिंतन शिबिराचा संवाद चार सखोल सत्रांमध्ये आयोजित केला जाणार आहे.
१. व्यसन प्रवृत्ती आणि त्याचे मानसिक विश्लेषण, २. प्रकार, परिणाम आणि नेटवर्क: तज्ञांचा अहवाल, ३. धोरणनिर्मितीसाठी युवा कल्पना, ४. राज्यांमध्ये कृती योजना आणि विस्तार धोरण
सांस्कृतिक संध्याकाळ - "नशा मुक्त भारत"
१९ जुलै रोजी वाराणसीमध्ये एक विशेष सांस्कृतिक संध्याकाळ आयोजित केली जाईल, ज्यामध्ये काशीचे नागरिक, कलाकार आणि तरुण सहभागी होतील. या कार्यक्रमात भारताची विविधता, संस्कृती आणि अध्यात्म प्रदर्शित केले जाईल.
"काशी घोषणापत्र" - युवा धोरणाचा आराखडा
२० जुलै रोजी, "काशी घोषणापत्र" प्रकाशित केले जाईल, ज्यामध्ये पुढील वर्षासाठी युवा कृती आराखडा सादर केला जाईल. २०२६ च्या युवा संवादात त्याचा आढावा घेतला जाईल.
कारगिल विजय दिनानिमित्त विशेष पदयात्रा
२६ जुलै २०२५ रोजी, कारगिल विजय दिनानिमित्त "विक्षित भारत पदयात्रा" आयोजित केली जाईल. या पदयात्रेचा उद्देश:
शहीदांना श्रद्धांजली वाहणे, तरुणांना देशभक्ती आणि सेवेशी जोडणे तसेच स्थानिक तरुण, माजी सैनिक, शहीदांचे कुटुंब आणि सामाजिक कार्यकर्ते यात सहभागी होतील. जम्मू, काश्मीर आणि लडाखमधील सांस्कृतिक कार्यक्रम कलाकार या कार्यक्रमाची शोभा वाढवतील.
तरुणांसाठी विशेष उपक्रम
निबंध लेखन स्पर्धा, चित्रकला आणि वक्तृत्व स्पर्धा, युवा संवाद, महिला बाईक रॅली जी देशभरात जागरूकता पसरवेल.
No comments