पोदार इंटरनॅशनल स्कूल, अकलूदच्या विद्यार्थ्यांची SOF ऑलिम्पियाड परीक्षेत अभूतपूर्व कामगिरी!

  पोदार इंटरनॅशनल स्कूल, अकलूदच्या विद्यार्थ्यांची SOF ऑलिम्पियाड परीक्षेत अभूतपूर्व कामगिरी!  भरत कोळी यावल ता.प्र. (संपादक -:- हेमकांत गाय...

 पोदार इंटरनॅशनल स्कूल, अकलूदच्या विद्यार्थ्यांची SOF ऑलिम्पियाड परीक्षेत अभूतपूर्व कामगिरी! 

भरत कोळी यावल ता.प्र.

(संपादक -:- हेमकांत गायकवाड)

पोदार इंटरनॅशनल स्कूल, अकलूदच्या विद्यार्थ्यांनी SOF (Science Olympiad Foundation)  तर्फे आयोजित आंतरराष्ट्रीय स्तरावरील ऑलिम्पियाड परीक्षांमध्ये अतुलनीय यश मिळवले आहे. विद्यार्थ्यांनी दाखवलेल्या शैक्षणिक उत्कृष्टतेने शाळेचे नाव उज्वल केले आहे.

 विशेष कौतुकास पात्र ठरलेला विद्यार्थी  आरव चौधरी याने आपल्या असामान्य बुद्धिमत्ता आणि मेहनतीच्या जोरावर सर्वांचे लक्ष वेधून घेतले. त्याच्या या उल्लेखनीय यशाबद्दल त्याला ₹5000/- स्कॉलरशिप, एक ट्रॉफी, ₹2000/- चा गिफ्ट व्हाउचर आणि प्रशस्तिपत्रक प्रदान करण्यात आले. हे सन्मान प्राचार्य श्री. सचिन बनसोडे  सर यांच्या हस्ते देण्यात आले. त्यांनी आरवचे अभिनंदन करत त्याच्या उज्वल भविष्यासाठी शुभेच्छा दिल्या. याशिवाय, शाळेतील इतर अनेक विद्यार्थ्यांनीही विविध ऑलिम्पियाड परीक्षांमध्ये आपली शैक्षणिक गुणवत्ता सिद्ध केली – IEO (English Olympiad) मध्ये ५ विद्यार्थ्यांना मेरिट सर्टिफिकेट  प्राप्त झाले. NSO (Science Olympiad) मध्ये  २२ विद्यार्थ्यांनी मेरिट सर्टिफिकेट मिळवले. IMO  (Maths Olympiad) मध्ये  १६ विद्यार्थ्यांना मेरिट सर्टिफिकेट प्राप्त झाले. ही सर्व यशस्वी मुले आता ऑलिम्पियाड परीक्षेच्या दुसऱ्या स्तरासाठी पात्र  ठरली आहेत. हे यश त्यांच्या सातत्यपूर्ण अभ्यासाचा, शिक्षकांच्या मार्गदर्शनाचा आणि पालकांच्या विश्वासाचा परिपाक आहे.

या यशस्वी विद्यार्थ्यांचे अभिनंदन करताना  प्राचार्य श्री. सचिन बनसोडे सर म्हणाले, "विद्यार्थ्यांनी मिळवलेले हे यश केवळ शाळेचाच नव्हे, तर त्यांच्या पालकांचा आणि शिक्षणप्रणालीवर असलेल्या विश्वासाचा विजय आहे. शाळा विद्यार्थ्यांच्या सर्वांगीण विकासासाठी कटिबद्ध असून अशा परीक्षांद्वारे त्यांच्यातील कौशल्यांचा विकास करण्यात आम्ही नेहमीच पुढे असतो. या विद्यार्थ्यांचे यश इतरांसाठीही प्रेरणादायी ठरेल. त्यांना पुढील वाटचालीसाठी मनःपूर्वक शुभेच्छा!"

शाळेतील शिक्षक, पालक आणि सहाध्यायी मित्रांनी सर्व गुणवंत विद्यार्थ्यांचे भरभरून कौतुक केले असून त्यांना यशाच्या नवीन टप्प्याकडे नेणाऱ्या प्रवासासाठी शुभेच्छा दिल्या आहेत. पोदार इंटरनॅशनल स्कूल, अकलूद नेहमीच विद्यार्थ्यांना शैक्षणिक प्रगतीसोबतच राष्ट्रीय व आंतरराष्ट्रीय पातळीवरील स्पर्धात्मक परीक्षांसाठी तयार करत असते – हेच त्यांच्या सातत्यपूर्ण यशामधून दिसून येते.