मतदान केंद्रांची प्राथमिक पाहणी संपन्न

  मतदान केंद्रांची प्राथमिक पाहणी संपन्न  लोकसभा सार्वत्रिक निवडणूक 2024 च्या अनुषंगाने चोपडा शहरातील मतदान केंद्रांची सद्यस्थिती आणि तेथील ...

 मतदान केंद्रांची प्राथमिक पाहणी संपन्न 

लोकसभा सार्वत्रिक निवडणूक 2024 च्या अनुषंगाने चोपडा शहरातील मतदान केंद्रांची सद्यस्थिती आणि तेथील मूलभूत व्यवस्था आदींची पाहणी 

चोपडा (प्रतिनिधी) : -

(संपादक: हेमकांत गायकवाड)

 चोपडा येथील लोकसभा सार्वत्रिक निवडणूक 2024 च्या अनुषंगाने चोपडा शहरातील मतदान केंद्रांची सद्यस्थिती आणि तेथील मूलभूत व्यवस्था आदींची पाहणी नुकतीच संपन्न झाली.

 रावेर लोकसभा मतदारसंघ अंतर्गत चोपडा विधानसभा मतदारसंघातील सहाय्यक निवडणूक अधिकारी तथा उपजिल्हाधिकारी पुनर्वसन जळगाव गजेंद्र पाटोडे , चोपडा तालुक्याचे तहसीलदार तथा अतिरिक्त सहाय्यक निवडणूक अधिकारी भाऊसाहेब थोरात,चोपडा नगरपरिषदेचे परीक्षाविधीन मुख्याधिकारी अर्पित चव्हाण, चोपडा मंडळ अधिकारी मनोज साळुंखे आदी उपस्थित होते. चोपडा शहरातील विविध प्रभागांमध्ये असलेल्या मतदान केंद्रांमध्ये लाईट पंखा पाणी प्रसाधनगृह मतदान केंद्रांचा आदर्श आराखडा आधी मूलभूत सुविधा उपलब्ध असल्याची खात्री त्यांनी केली. मतदान केंद्र पाणी दरम्यान आढळलेल्या त्रुटींची पूर्तता करण्यासाठी त्यांनी संबंधितांना सूचना केल्या निवडणूक प्रक्रिया सुरळीतपणे पार पाडण्यासाठी आवश्यक त्या मूलभूत सुविधा मतदान केंद्रांवर उपलब्ध करून देण्याचे आश्वासन त्यांनी यावेळी दिले.

             यावेळी विविध शाळांमधील विद्यार्थ्यांमध्ये निवडणुकी संदर्भात जनजागृती करण्यासाठी अधिकारी वर्गाने विद्यार्थ्यांना मार्गदर्शन देखील केले. भविष्यातील सुजाण जबाबदार नागरिक विद्यार्थ्यांमधूनच घडणार असल्याची भावना त्यांनी यावेळी व्यक्त केली.