दोन वेगवेगळ्या अपघातात १७ जण जखमी

  दोन वेगवेगळ्या अपघातात १७ जण जखमी राष्ट्रीय महामार्ग वर दोन वेगवेगळ्या झालेल्या अपघातात १७ जण जखमी त्यापैकी पाच जण गंभीर जखमी अमोल बावस्का...

 दोन वेगवेगळ्या अपघातात १७ जण जखमी

राष्ट्रीय महामार्ग वर दोन वेगवेगळ्या झालेल्या अपघातात १७ जण जखमी त्यापैकी पाच जण गंभीर जखमी

अमोल बावस्कार : मलकापूर प्रतिनिधी

(संपादक:हेमकांत गायकवाड)

 मलकापूर २२/५/२४ येथील राष्ट्रीय महामार्ग वर दोन वेगवेगळ्या झालेल्या अपघातात १७ जण जखमी त्यापैकी पाच जण गंभीर जखमी झाल्याची घटना मंगळवारी रात्री व बुधवारी सकाळी घटना घडली आहे.

याबाबत अधिक माहिती अशी की लोकसभा निवडणुकी अनुषंगाने पालघर येथील निवडणूक आटोपल्यानंतर गृहरक्षकांना घेवून निघालेली एम.एच. १४ बी.पी. ३८८२ क्रमांकाची बस अकोलाकडे जात असतांना मंगळवार २१ मे रोजी रात्री २ वाजताच्या सुमारास राष्ट्रीय महामार्गावरील मलकापूर नजीकच्या पेट्रोल पंपाजवळ ओव्हरब्रिज वरील दुभाजकाला धडकली. या झालेल्या अपघातात बस चालकासह १४ जण जखमी झाले. त्यापैकी गोपाल जाधव (वय २८) रा. जवळा बु. व संतोष दामोदर गणोजे (वय ४२) रा. कोळंबी मुर्तीजापूर या दोघांना पुढील उपचारासाठी अकोला रेफर करण्यात आले. तर उर्वरित १२ जणांवर येथील उपजिल्हा रुग्णालयात उपचार करण्यात आले. या प्रकरणी शहर पोलिसांनी बसचालक दीपक भाऊराव मडावी (वय ४९) रा. यवतमाळ याच्याविरुध्द गुन्हा दाखल केला आहे.

तर दुसरा अपघात हा आज पहाटे ४ वाजेच्या दरम्यान घडला. राष्ट्रीय महामार्गावरील दख्खन ऑटो सर्व्हिस सेंटर जवळ जी.जे. १८/ बी.टी. ८५३८ क्रमांकाचा ट्रक व एन.एल.०१ /ए.एफ.६७०१ क्रमांकाच्या कंटेरनची आमोरा समोर जोरदार धडक झाली. या धडकेत दोन्ही वाहनातील मोहम्मद इकरार मोहम्मद जुबेर (वय ३८) रा. अहमदाबाद, मोहम्मद सादीक मोहम्मद नफीस (वय ४२) इलाहाबाद व अजय अमरसिंह वासकले (वय २१) रा. सेंदवा मध्यप्रदेश हे गंभीर जखमी झाले. त्यांना बुलढाणा रेफर करण्यात आले आहे.