आज संवाद सत्रात चित्रकार सुनिल दाभाडे सृजन - ३ शिबिरार्थींना तालखेडा येथे करतील मार्गदर्शन

 आज  संवाद सत्रात  चित्रकार सुनिल दाभाडे सृजन - ३  शिबिरार्थींना तालखेडा येथे करतील मार्गदर्शन चोपडा प्रतिनिधी (संपादक :- हेमकांत गायकवाड)  ...

 आज  संवाद सत्रात  चित्रकार सुनिल दाभाडे सृजन - ३  शिबिरार्थींना तालखेडा येथे करतील मार्गदर्शन

चोपडा प्रतिनिधी

(संपादक :- हेमकांत गायकवाड)

     कुमारवयीन मुला मुलींना ' स्व ' ची जाणीव करून देऊन त्यांच्या ' स्व ' ला कुटुंब , समाज व विश्वाच्या विस्तीर्ण ' स्व ' सोबत जोडण्यासाठी रचनात्मक व नियोजनबद्ध कार्य करीत असणाऱ्या ' सृजन टीम ' तर्फे  सृजन - ३ शिबिर दि . ५ ते १० नोव्हेंबर २०२४ रोजी मानवता फॉर्म , तालखेडा, ता.मुक्ताईनगर येथे आयोजित करण्यात आले आहे.शिबिराच्या संवाद सत्रात आज शुक्रवार दिनांक ८ नोव्हेंबर २०२४ रोजी सकाळी ९ .४५ ते ११ .१५ या कालावधीत मानवसेवा विद्यालय , जळगाव येथील सुप्रसिद्ध कलाशिक्षक सुनिल दाभाडे सर ' कलेद्वारे जीवनाच्या अभिव्यक्तीची गोष्ट ' या विषयानुसार  शिबिरार्थी विद्यार्थ्यांशी संवाद साधून मार्गदर्शन करणार आहेत. सदरहू मार्गदर्शनात सुसंवाद , ' स्व ' - जाणिव , संवेदनशीलता , रसिकता , सौंदर्यदृष्टी , कुतूहल , श्रमप्रतिष्ठा , निसर्गप्रेम , जीवनाविषयी प्रेम , स्वावलंबन , सहजता ही मूल्ये तथा विचार ते मनोरंजनातून प्रबोधन करीत विद्यार्थ्यांच्या मनोभूमीत रुजवणार आहेत.असे एका निमंत्रण पात्रिकेन्वये आयोजक योगेश जवंजाळ व प्रशांत ढेंगे यांनी कळविले आहे . चित्रकार सुनिल दाभाडे यांची निवड झाल्याबद्दल संस्थेचे अध्यक्ष डॉ. आर.एस.डाकलिया व मानद सचिव विश्वनाथ जोशी व सर्व पदाधिकारी सदस्य, प्राथमिक मुख्याध्यापिका माया अंबटकर, बालवाडी मुख्याध्यापिका मुक्ता पाटील, माध्यमिक मुख्याध्यापिका प्रतिभा सुर्यवंशी   सहकारी सर्व शिक्षक व शिक्षकेतर कर्मचारी तसेच निवृत प्राथमिक शिक्षणाधिकारी निळकंठ गायकवाड आप्पासाहेब, निवृत माध्यमिक शिक्षणाधिकारी हिगोणेकर साहेब, निवृत्त उपशिक्षणाधिकारी नेटकर साहेब उपक्रमशील शिक्षक विजय लुल्हे,जनमत प्रतिष्ठानाचे अध्यक्ष पंकज नाले यांनी अभिनंदनाचा वर्षाव केला.