सह्याद्री रांगेच्या पश्चिमेकडे वाहणारे पाणी संगमनेर अकोले तालुक्याला मिळण्याची गरज.

  सह्याद्री रांगेच्या पश्चिमेकडे वाहणारे पाणी संगमनेर अकोले तालुक्याला मिळण्याची गरज .  अकोले/संगमनेर प्रतिनिधी  (संपादक -:-हेमकांत गायकवाड)...

 सह्याद्री रांगेच्या पश्चिमेकडे वाहणारे पाणी संगमनेर अकोले तालुक्याला मिळण्याची गरज. 

अकोले/संगमनेर प्रतिनिधी 

(संपादक -:-हेमकांत गायकवाड)

बीताका, अकोले तालुक्यातील सह्याद्री पर्वत रांगेत असलेले गाव व डोंगर. पावसाळ्यामध्ये या ठिकाणी चेरापुंजी सारखा भयंकर पाऊस पडतो परंतु पाणी हे पश्चिमेकडे वाहून जाते ते पाणी वळविण्यासाठी कै.मधुकरराव पिचड साहेब यांनी पूर्वी प्रयत्न केले होते व या डोंगराच्या पायथ्याशी मोठा बांध घालून ते पाणी आढळा खोऱ्यामध्ये वळविले त्याचा फायदा अकोले व संगमनेर तालुक्याला दोन वर्ष भरपूर झाला .

संगमनेर तालुक्यातील चिकणी, निमगाव भोजापूर, राजापूर,धांदरफळ बुद्रुक, चिखली, वडगाव लांडगा इत्यादी गावांना या पाण्याचा फायदा झाला होता. 

परंतु हे पाणी वळवल्यावर  चंदगीरवाडी तालुका अकोले येथील काही शेतकऱ्यांच्या जमिनीमधून वाहू लागले व तेथील जमीन नापीक झाली, म्हणून त्या लोकांनी हा बांध फोडून टाकला पाणी दुसरीकडे काढून दिले, त्यामुळे पुन्हा आढळा खोऱ्यात बीताका चे येणारे पाणी बंद झाले. आता चंदगडवाडीच्या मोजक्याच पाच सहा शेतकऱ्यांना जो प्रश्न आहे तो सोडविणे गरजेचे आहे. तसेच बीताकाच्या बांधाचे पुन्हा मजबुतीकरण करून पाणी आणणे गरजेचे आहे हा काही फार मोठा खर्चाचा प्रकल्प नाही . योग्य रीतीने मार्गी लागल्यास या पाण्याचा प्रश्न कायमस्वरूपी सुटण्यास मदत होईल. त्यासाठी संघर्ष सामाजिक संघटनेने या  गावांच्या भेटी देऊन त्याठिकाणी जनजागृती व लोक सहभाग निर्माण होण्याच्या दृष्टीने प्रयत्न सुरू केले आहेत.