उज्जैनकर फाउंडेशनच्या आळंदी येथील संमेलनात कवी संमेलन व बोलीभाषा सांस्कृतिक कार्यक्रमाला उत्स्फूर्त प्रतिसाद

  उज्जैनकर फाउंडेशनच्या आळंदी येथील संमेलनात कवी संमेलन व बोलीभाषा सांस्कृतिक कार्यक्रमाला उत्स्फूर्त प्रतिसाद इदू पिंजारी फैजपूर -  (संपादक...

 उज्जैनकर फाउंडेशनच्या आळंदी येथील संमेलनात कवी संमेलन व बोलीभाषा सांस्कृतिक कार्यक्रमाला उत्स्फूर्त प्रतिसाद

इदू पिंजारी फैजपूर - 

(संपादक -:- हेमकांत गायकवाड)

शिवचरण उज्जैनकर फाउंडेशन मुक्ताईनगर ता. मुक्ताईनगर जि.जळगाव आणि मराठी साहित्य व संस्कृती मंडळ, मुंबई यांच्या संयुक्त विद्यमाने संतश्रेष्ठ श्री ज्ञानेश्वर महाराज यांच्या ७५० व्या आणि आदिशक्ती संत मुक्ताई यांच्या ७४५ व्या सप्तशतकोत्तर जन्म महोत्सवी वर्षानिमित्त संतश्रेष्ठ श्री ज्ञानेश्वर महाराज साहित्य नगरी व जगद्गुरु संत तुकाराम महाराज व्यासपीठ आळंदी देवाची येथे गणमान्य मान्यवरांच्या व फाउंडेशनच्या महाराष्ट्रातील विविध जिल्ह्यातील साहित्यिक, रसिक, पदाधिकाऱ्यांच्या उपस्थितीत संपन्न झाले.या प्रसंगी बोली भाषेतील सांस्कृतिक कार्यक्रमांमध्ये दिघी आळंदी येथील महिला मंडळांनी भजनाचा उत्स्फूर्त कार्यक्रम आयोजित केला.यासाठी संमेलनाच्या निमंत्रक तथा फाउंडेशनच्या पुणे जिल्हा उपाध्यक्ष दिघी आळंदी येथील कवयित्री सौ. रुपाली चिंचोलीकर यांच्या नियोजनाने हा कार्यक्रम संपन्न झाला.प्रसंगी फाउंडेशनचे बुलढाणा जिल्हा सदस्य जादूगार डी. चंद्रकांत यांनी पपेट शो सादर करून उपस्थितांची टाळ्या वाजवून दाद मिळवली. त्याचप्रमाणे फाउंडेशनचे बुलढाणा जिल्हा अध्यक्ष शाहीर मनोहर पवार ,फाउंडेशनचे राज्य सचिव  संभाजीनगर येथील एडवोकेट सर्जेराव साळवे, डॉ. निवृत्ती जाधव फाउंडेशनचे राज्य खजिनदार साखरखेर्डा येथील कवी रामदास कोरडे, राज्य प्रसिद्ध प्रमुख ह. भ. प. शंकर महाराज राजपूत व स्थानिक विद्यार्थ्यांनी  व कलाकारांनी या सांस्कृतिक कार्यक्रमात उत्स्फूर्त सहभाग घेऊन पोवाडे, अभंग, भक्ती गीत सादर केलीत .

          त्यानंतर रात्री ०८  ते ११ या वेळात फाउंडेशनचे राज्य सल्लागार कळवा जिल्हा ठाणे येथील सुप्रसिद्ध कवी सतीश  सोलांकुरकर यांच्या अध्यक्षतेखाली कवी संमेलन सुद्धा चांगलेच रंगले याप्रसंगी संमेलनाचे सहसंयोजक अजीत  वडगावकर हे विशेष अतिथी म्हणून उपस्थित होते.त्याचप्रमाणे याप्रसंगी प्रमुख उपस्थिती मध्ये सौ.रूपालीताई चिंचोलीकर ,रामचंद्र गुरव, गणेश आघाव, तुळशीराम बोबडे, डॉ. अशोक शिरसाट, डॉ. पंढरीनाथ शेळके, डॉ.मा.ग. गुरव, रामदास कोरडे ,अँड सर्जेराव साळवे , शाहीर मनोहर पवार, कविता पाचंग्रे, किशोर पाटील, डॉ. लता थोरात ज्योती पुजारी, शिल्पा देशमुख, नंदा लाड, प्रवीण सूर्यवंशी आधी कवी व कवयित्रींनी उत्साह पूर्ण सहभाग घेऊन  उपस्थितांची दाद मिळवली.