अमळनेर तहसील कार्यालयातून चोरी झालेल्या ट्रॅक्टर चोरीचा गुन्हा २४ तासात उघडकीस आणुन आरोपीतास अटक.

  अमळनेर तहसील कार्यालयातून चोरी झालेल्या ट्रॅक्टर चोरीचा गुन्हा २४ तासात उघडकीस आणुन आरोपीतास अटक. अमळनेर प्रतिनिधी (संपादक -:-हेमकांत गायक...

 अमळनेर तहसील कार्यालयातून चोरी झालेल्या ट्रॅक्टर चोरीचा गुन्हा २४ तासात उघडकीस आणुन आरोपीतास अटक.

अमळनेर प्रतिनिधी

(संपादक -:-हेमकांत गायकवाड)

अमळनेर महसुल विभागा कडून लक्ष्मण शांतीलाल भिल याचे अवैध वाळूने भरलेले ट्रॅक्टर ट्रॉलीसह कारवाई करीता अमळनेर तहसील कार्यालयात लावण्यात आले होते.दिनांक १४/०१/२०२५ रोजी कोणीतरी अज्ञात व्यक्तीने अमळनेर तहसील कार्यालयातून वाळूने भरलेले ट्रॅक्टर ट्रॉली हे चोरून नेले त्याबाबत अमळनेर पो.स्टे.ला गुरनं १८/२०२५ भा.न्या.सं.३०३(२) प्रमाणे गुन्हा दाखल करण्यात आला होता.याबाबत स्थानिक गुन्हे शाखा जळगाव कडील पथकास अमळनेर पो.स्टे.ला गुरनं १८/२०२५ भा.न्या.सं.३०३(२) या गुन्ह्यातील चोरीस गेलेले ट्रॅक्टर हे मालक लक्ष्मण भिल याचा लहान भाऊ कमलेश उर्फ कल्पेश भिल रा.मोहाडी ता.जि.धुळे यानेच चोरून घेवून गेला

असल्याची खात्रीशीर बातमी मिळाल्याने मोहाडी गावात जावून कमलेश उर्फ कल्पेश भिल याचा शोध घेवून त्यास ताब्यात घेतले.त्यावेळी त्याचे नाव गाव विचारले असता त्याने त्याचे नाव कमलेश उर्फ कल्पेश शांतीलाल भिल,वय २०,रा.मोहाडी ता.जि.धुळे असे सांगीतल्याने त्यास विश्वासात घेवून विचारपुस करुन त्याचे कडून १,६३,०००/- रु. कि.चे निळया रंगाचे स्वराज कंपनीचे ट्रॅक्टर व ट्रॉली अर्धा ब्रास रेतीने भरलेली असे जप्त करून त्यास गुन्ह्याचे पुढील तपासकामी अमळनेर पो.स्टे.चे ताब्यात देण्यात आले आहे.सदरची कारवाई डॉ.महेश्वर रेड्डी,पोलीस अधीक्षक,जळगाव,कविता नेरकर,अपर पोलीस अधीक्षक,चाळीसगाव,बबन आव्हाड,पोलीस निरीक्षक, स्थानिक गुन्हा शाखा जळगाव यांचे मार्गदर्शनाखाली सदरची कारवाई स्थानिक गुन्हा शाखाच्या पो.हे.संदिप पाटील,गोरख बागुल,प्रविण मांडोळे,राहुल कोळी यांनी सापळा रचून अमळनेर पोलिसांच्या ताब्यात दिले.