ओंकार पवार नाशिकचे नवे सीईओ... याच पदावर तीन अधिकाऱ्यांची होती फिल्डिंग..! प्रथमच पवारांना सीईओ म्हणून संधी

 ओंकार पवार नाशिकचे नवे सीईओ... याच पदावर तीन अधिकाऱ्यांची होती फिल्डिंग..! प्रथमच पवारांना सीईओ म्हणून संधी  सौ.अनुजा कारखेले (नाशिक जिल्हा...

 ओंकार पवार नाशिकचे नवे सीईओ... याच पदावर तीन अधिकाऱ्यांची होती फिल्डिंग..! प्रथमच पवारांना सीईओ म्हणून संधी 

सौ.अनुजा कारखेले (नाशिक जिल्हा) प्रतिनिधी.

(संपादक -:- हेमकांत गायकवाड)

 राज्यात सध्या स्थानिक स्वराज्य संस्थांच्या निवडणुकीचे वेध चांगलेच लागले असून यामध्ये महायुती सरकारकडून देखील प्रशासनात मोठा फेरबदल पाहायला मिळत आहे. मंगळवारी रात्री उशिरा महायुती सरकारकडूंन पाच ( आयएएस ) अधिकाऱ्यांच्या बदल्यांचे आदेश जारी करण्यात आले आहेत. यामध्ये धडाकेबाज सनदी अधिकारी ओंकार पवार यांची बदली करण्यात आली असून. ते आता नाशिक जिल्हा परिषदेच्या मुख्य कार्यकारी अधिकारी म्हणून काम पाहणार आहेत. सध्या ते इगतपुरी उपविभागाचे सहाय्यक जिल्हाधिकारी म्हणून काम पाहत होते. मागील आठवड्यात नाशिक जिल्हा परिषदेच्या मुख्य कार्यकारी अधिकारी आशिमा मित्तल यांची जालना जिल्हाधिकारी म्हणून बदली झाली होती. त्यामुळे जिल्हा परिषदेच्या मुख्य कार्यकारी अधिकारी कोणाची नियुक्ती होणार याकडे सर्वांचेच लक्ष लागले होते. आणि याच पदावर तीन आयएएस अधिकाऱ्यांची नावे फिल्डवर होती. अखेर सरकारकडून ओंकार पवार यांची नियुक्ती करण्यात आली. पवार हे इगतपुरी त्रिंबकेश्वर उपविभागाचे प्रांताधिकारी तथा सहाय्यक जिल्हाधिकारी या पदावर कार्यरत होते. त्यानंतर सरकारकडूंन त्यांची नाशिक जिल्हा परिषदेच्या मुख्य कार्यकारी अधिकारीपदी त्यांची नियुक्ती करण्यात आली आहे. ओंकार पवार हे भारतीय प्रशासकीय सेवेतील (आयएएस अधिकारी ) आहेत त्यांची पहिलीच नियुक्ती ही इगतपुरी मध्ये होती. ते 16 ऑ 2024 पासून इगतपुरी येथे कार्यरत होते. तेथेही त्यांनी चांगलेच निर्णय घेतल्याने त्यांचे त्या भागातील नागरिकांनी स्वागत केले होते. ओंकार पवार हे बुधवारीच नाशिक जिल्हा परिषदेच्या मुख्य कार्यकारी अधिकारी पदाचा पदभार स्वीकारण्याची शक्यता आहे. पवार हे मूळचे सातारा जिल्ह्यातील आहेत.