प्रभाग क्रमांक 9 अ मधून वर्षा चोपडे प्रबळ दावेदार भरत कोळी यावल ता. प्रतिनिधी (संपादक -:- हेमकांत गायकवाड) यावल नगरपालिकेच्या सार्वत्रिक नि...
प्रभाग क्रमांक 9 अ मधून वर्षा चोपडे प्रबळ दावेदार
भरत कोळी यावल ता. प्रतिनिधी
(संपादक -:- हेमकांत गायकवाड)
यावल नगरपालिकेच्या सार्वत्रिक निवडणुकीत प्रभाग क्रमांक 9 अ मधून राष्ट्रवादी काँग्रेस पार्टी (अजित पवार गट) यांच्या अधिकृत उमेदवार सौ. वर्षा नीरज उर्फ आकाश चोपडे या प्रबळ दावेदार ठरत आहेत. प्रभागातील मतदारांकडून त्यांना उत्स्फूर्त असा प्रतिसाद मिळत असल्याचे चित्र पाहायला मिळत आहे. सौ. वर्षा चोपडे यांचे पती आकाश (नीरज) चोपडे हे राष्ट्रवादी युवक काँग्रेस, अजित पवार गटाचे यावल तालुका अध्यक्ष म्हणून कार्यरत आहेत. सामाजिक क्षेत्रात "आकाश" या नावाने परिचित असलेले चोपडे विविध उपक्रमांत नेहमी सक्रिय राहतात. माहितीचा अधिकार (RTI) वापरून त्यांनी अनेक भ्रष्टाचार प्रकरणांची वाचा फोड केली असून शासकीय कार्यालयांमध्ये त्यांच्या कामाचा वेग आणि पारदर्शकतेसाठीची भूमिका विशेष चर्चेत असते. भ्रष्ट अधिकारी व कर्मचाऱ्यांना खडे बोल सुनविण्यास ते नेहमीच पुढे असतात.
प्रभागातील अनेक नागरिकांना विविध शासकीय योजनांचा लाभ मिळवून देण्यात चोपडे यांनी पुढाकार घेतला आहे. तरुण वर्गाचा मोठा समुदाय त्यांच्या सोबत असून ते प्रभागातील नागरिकांशी सातत्याने संवाद साधत त्यांच्या अडचणी सोडवण्याचा प्रयत्न करतात. यावल तालुका राष्ट्रवादी काँग्रेस (अजित पवार गट) तालुकाध्यक्ष म्हणून आकाश चोपडे यांचा प्रभाव प्रभागात भक्कम असून महाराष्ट्राचे उपमुख्यमंत्री अजितदादा पवार यांच्याशी त्यांचा जवळचा संपर्क असल्याचा फायदा प्रभागातील कामांना झाला आहे. प्रभागातील अनेक नागरी सुविधा आणि कामे त्यांच्या पाठपुराव्यामुळे पूर्ण झाल्याचे नागरिक सांगतात. सध्या प्रचारादरम्यान प्रभाग क्रमांक 9 अ मधून सौ. वर्षा चोपडे यांना ठिकठिकाणी उत्स्फूर्त प्रतिसाद मिळत असून नागरिकांकडून त्यांचे भव्य स्वागत करण्यात येत आहे. आकाश चोपडे यांच्या पाठिशी असलेला मोठा जनसमुदाय, प्रभागातील त्यांचे सामाजिक कार्य आणि जनसंपर्क लक्षात घेता, त्यांचा विजय निश्चित असल्याची चर्चा प्रभागात रंगताना दिसत आहे.

No comments