पिंप्री खुर्द (ता. धरणगाव) येथील श्री मोहन खंडू शिंदे यांना ‘ॲग्रोवन शेतकरी राज्यस्तरीय पुरस्कार’

 पिंप्री खुर्द (ता. धरणगाव) येथील श्री मोहन खंडू शिंदे यांना ‘ॲग्रोवन शेतकरी राज्यस्तरीय पुरस्कार’  विकास पाटील धरणगाव (संपादक -:- हेमकांत ग...

 पिंप्री खुर्द (ता. धरणगाव) येथील श्री मोहन खंडू शिंदे यांना ‘ॲग्रोवन शेतकरी राज्यस्तरीय पुरस्कार’ 

विकास पाटील धरणगाव

(संपादक -:- हेमकांत गायकवाड)

जळगाव : पिंप्री खुर्द (ता. धरणगाव) येथील  त्रिरत्न अ‍ॅग्रो सेंटरचे संचालक श्री मोहन खंडू शिंदे यांना यंदाचा ‘ॲग्रोवन शेतकरी राज्यस्तरीय पुरस्कार’ प्रदान करून गौरविण्यात आले.

एकलव्य क्रीडा संकुल, जळगाव येथे उत्साहात पार पडलेल्या पुरस्कार वितरण सोहळ्यात जळगाव जिल्हा कृषी अधिकारी श्री तडवी साहेब यांच्या हस्ते शिंदे यांना मानपत्र आणि स्मृतिचिन्ह देण्यात आले. कृषी क्षेत्रात उल्लेखनीय कामगिरी करीत शिंदे यांनी केळी आणि पपई फळबागांमध्ये आधुनिक तंत्रज्ञानाचा वापर, उत्पादन वाढ, व्यवस्थापन पद्धती याबाबत शेतकऱ्यांना सातत्याने मार्गदर्शन केले आहे. त्यांच्या या कार्यामुळे परिसरातील अनेक शेतकऱ्यांना उत्पादनात लक्षणीय वाढ साधता आली आहे. राज्यस्तरीय पुरस्काराने झालेल्या या गौरवामुळे पिंप्री खुर्द  परिसरातील  गावकऱ्यांसह कृषी क्षेत्रातील मान्यवरांकडून शिंदे यांचे सर्वत्र कौतुक होत आहे.