यावल नगरपालिका निवडणूक : शिवसेना (उद्धव बाळासाहेब ठाकरे) गटाचे अतुल पाटील यांच्या प्रचाराला उत्स्फूर्त प्रतिसाद

 यावल नगरपालिका निवडणूक : शिवसेना (उद्धव बाळासाहेब ठाकरे) गटाचे अतुल पाटील यांच्या प्रचाराला उत्स्फूर्त प्रतिसाद  शब्बीर खान यावल  (संपादक -...

 यावल नगरपालिका निवडणूक : शिवसेना (उद्धव बाळासाहेब ठाकरे) गटाचे अतुल पाटील यांच्या प्रचाराला उत्स्फूर्त प्रतिसाद 

शब्बीर खान यावल 

(संपादक -:- हेमकांत गायकवाड)

यावल : आगामी नगरपरिषद निवडणुकीत यावल शहरातील राजकीय समीकरणाला नवे वळण देत शिवसेना (उबाठा) गटाचे उमेदवार अतुल पाटील यांच्या प्रचाराला नागरिकांनी जोरदार प्रतिसाद दिला आहे. घराघरात जनसंपर्क मोहीम,पदयात्रांमधील घोषणांनी शहरात निवडणूक उत्साह शिगेला पोहोचला आहे.

अतुल वसंतराव पाटील व छाया अतुल पाटील हे उत्स्फूर्तपणे मैदानात उतरले आहेत यांनी आतापर्यंत नागरिकांसाठी राबवलेले विविध सामाजिक उपक्रम, स्वच्छ आणि प्रामाणिक नेतृत्वाची ओळख, तसेच यावलचा सर्वांगीण विकास हा स्पष्ट घोषवाक्य यामुळे नागरिकांचा समर्थ विश्वास त्यांच्या पाठीशी एकवटताना दिसत आहे. युवा नेतृत्वाचे प्रतीक असलेल्या पाटील यांना विशेषतः तरुण वर्गाचा प्रचंड पाठिंबा मिळत असून, महिला, ज्येष्ठ नागरिक, व्यापारी वर्गदेखील उत्साहाने प्रचारात सहभाग घेत आहेत. मूलभूत सुविधांचा विकास, नागरिकांच्या समस्या सोडविण्यासाठी तत्पर प्रशासन, शहराचे सौंदर्य आणि पायाभूत सुविधा उंचावण्याचा संकल्प यामुळे

“यावलच्या प्रगतीसाठी अतुल पाटीलच हवे”

असा सूर जनतेत उमटताना दिसत आहे.

निवडणूक प्रचाराला मिळणारा जबरदस्त लोकसमर्थन पाहता, यावल नगरपरिषदेवर शिवसेना (उबाठा) गटाचा भगवा झेंडा फडकण्याची चिन्हे स्पष्ट झाली आहेत. आगामी काही दिवसांत प्रचाराची गती अधिक वेगाने वाढणार असून, शहरात राजकीय वातावरण चांगलेच तापले आहे.