काँग्रेसला मोठा धक्का..! शहर जिल्हा उपाध्यक्ष उमेश साठे कार्यकर्त्यां समवेत रिपब्लिकन सेनेत दाखल

 काँग्रेसला मोठा धक्का..! शहर जिल्हा उपाध्यक्ष उमेश साठे कार्यकर्त्यां समवेत रिपब्लिकन सेनेत दाखल   सचिन मोकळं अहिल्यानगर (संपादक -:- हेमकां...

 काँग्रेसला मोठा धक्का..! शहर जिल्हा उपाध्यक्ष उमेश साठे कार्यकर्त्यां समवेत रिपब्लिकन सेनेत दाखल  

सचिन मोकळं अहिल्यानगर

(संपादक -:- हेमकांत गायकवाड)

अहिल्यानगर (प्रतिनिधी):-अहिल्यानगर शहरातील काँग्रेस पक्षाला आज मोठे खिंडार पडले आहे.माळीवाडा परिसरातील प्रसिद्ध सामाजिक कार्यकर्ते, ग्रामदैवत महालक्ष्मी मंदिराचे अध्यक्ष,काँग्रेसचे शहर जिल्हा उपाध्यक्ष,पत्रकार उमेश साठे यांनी आपल्या पदाचा राजीनामा देत कार्यकर्त्यांसह रिपब्लिकन सेनेत प्रवेश केला.त्यांच्या या निर्णयाने स्थानिक राजकारणात खळबळ उडाली आहे.साठे यांचा पक्षप्रवेश रिपब्लिकन सेनेचे सरसेनानी व राष्ट्रीय अध्यक्ष आनंदराज आंबेडकर यांच्या आदेशानुसार आयोजित करण्यात आला.पक्षाकडून त्यांच्यावर लवकरच महत्त्वाच्या पदाची जबाबदारी सोपविण्यात येणार असल्याची माहिती मिळते.यावेळी रिपब्लिकन सेनेचे जिल्हाअध्यक्ष सुनील शिंदे, जिल्हा संघटक संजय ताकवले, जिल्हा प्रसिद्धी प्रमुख महेश भोसले,जिल्हा कार्याध्यक्ष बाळासाहेब वाघमारे आदी मान्यवर उपस्थित होते.तसेच सचिन घंगाळे,सुनील साठे, आकाश पठारे,कृष्णा पठारे, विवेक विधाते,प्रताप पवार, विकास रणदिवे यांसह अनेक पदाधिकारी व कार्यकर्त्यांची उपस्थिती लक्षणीय होती.साठे यांच्या स्वागतासाठी पक्षाकडून विशेष आयोजन करण्यात आले होते.पदाधिकाऱ्यांनी त्यांचे शॉल, श्रीफळ देऊन स्वागत केले तसेच त्यांच्या पुढील राजकीय प्रवासासाठी शुभेच्छा दिल्या.माळीवाडा परिसरात सामाजिक उपक्रमांमुळे सक्रिय असलेल्या उमेश साठे यांच्या प्रवेशामुळे रिपब्लिकन सेनेला स्थानिक स्तरावर नवीन बळ मिळाल्याचे चित्र दिसते.त्यांच्या मित्र परिवार,कार्यकर्त्यांनीही मोठ्या उत्साहात त्यांचे अभिनंदन केले आहे.