वाळू माफियांना चांगलाच धक्का..LCB ची कारवाई तब्बल ५ लाखांचा मुद्देमाल जप्त तर चालक पोलिसांच्या जाळ्यात

 वाळू माफियांना चांगलाच धक्का..LCB ची कारवाई तब्बल ५ लाखांचा मुद्देमाल जप्त तर चालक पोलिसांच्या जाळ्यात  सचिन मोकळं अहिल्यानगर (संपादक -:- ह...

 वाळू माफियांना चांगलाच धक्का..LCB ची कारवाई तब्बल ५ लाखांचा मुद्देमाल जप्त तर चालक पोलिसांच्या जाळ्यात 

सचिन मोकळं अहिल्यानगर

(संपादक -:- हेमकांत गायकवाड)

अहिल्यानगर (दि.३०):-अवैध वाळू उत्खननावर अंकुश ठेवण्यासाठी पोलिस अधीक्षक श्री सोमनाथ घार्गे यांच्या आदेशानुसार स्थानिक गुन्हे शाखेने फक्राबाद (ता.जामखेड) परिसरात पहाटेच्या सुमारास मोठी कारवाई करत 5,10,000 रुपयांचा मुद्देमाल जप्त केला आहे.या कारवाईत ट्रॅक्टर ट्रॉलीसह 1 ब्रास अवैध वाळू जप्त करण्यात आली असून चालकाला ताब्यात घेऊन गुन्हा दाखल करण्यात आला आहे.एसपी.घार्गे यांच्या निर्देशानुसार स्थानिक गुन्हे शाखेचे पोलीस निरीक्षक श्री. किरणकुमार कबाडी यांच्या मार्गदर्शनाखाली विशेष पथक तयार करण्यात आले.या पथकात पोउपनि.समीर अभंग,पोलीस अंमलदार ह्रदय घोडके,लक्ष्मण खोकले,शामसुंदर जाधव, भिमराज खर्से व भाऊसाहेब काळे आदींचा समावेश होता.पथकाने जामखेड पोलीस ठाणे हद्दीत अवैध वाळू वाहतुकीची माहिती घेत असताना,आरणगाव–हाळगाव रोड मार्गे चौंडीहून फक्राबादकडे वाळू भरून जाणारे वाहन येणार असल्याची खात्रीशीर माहिती मिळाली.हॉटेल मामाश्री जवळ पथकाने सापळा रचला.काही वेळातच वर्णनातील ट्रॅक्टर दिसताच पथकाने त्याला अडवले. तपासणी अंती ट्रॉलीमध्ये वाळू भरलेली असल्याचे निदर्शनास आले.सदर वाहन चालकाने आपले नाव रविंद्र उर्फ राम बाबासाहेब उबाळे (वय 26, रा. चौंडी, ता. जामखेड) असे सांगितले.वाळू वाहतुकीचा कोणताही परवाना किंवा रॉयल्टी पावती नसल्याचे चालकाने मान्य केले.या प्रकरणी पोना/1566 शामसुंदर अंकुश जाधव स्थानिक गुन्हे शाखा यांनी फिर्याद दिली असून जामखेड पोलीस ठाणे गु.र.नं. 636/2025 भारतीय न्याय संहिता 2023 च्या कलम 303(2) अन्वये गुन्हा नोंदवण्यात आला आहे.पुढील तपास जामखेड पोलिस करत आहेत.