भुसावळ तालुकास्तरीय शालेय खो-खो आणि व्हॉलीबॉल स्पर्धा संपन्न

भुसावळ तालुकास्तरीय शालेय खो-खो आणि व्हॉलीबॉल स्पर्धा संपन्न भुसावळ येथे तालुकास्तरीय शालेय खो-खो स्पर्धेत खो-खो खेळणाऱ्या मुली भुसावळ प्रति...

भुसावळ तालुकास्तरीय शालेय खो-खो आणि व्हॉलीबॉल स्पर्धा संपन्न

भुसावळ येथे तालुकास्तरीय शालेय खो-खो स्पर्धेत खो-खो खेळणाऱ्या मुली

भुसावळ प्रतिनिधी लियाकत शहा 

(संपादक : हेमकांत गायकवाड)

सेवा पंधरवड्याच्या निमित्ताने, महाराष्ट्र राज्य क्रीडा व युवा सेवा संचालनालय, पुणे, जिल्हा क्रीडा अधिकारी कार्यालय, जळगाव, पंचायत समिती शिक्षण विभाग, भुसावळ नगर परिषद आणि म्युनिसिपल हायस्कूल यांच्या संयुक्त विद्यमाने बियाणी मिलिटरी स्कूलमध्ये तालुकास्तरीय शालेय मुलींच्या खो-खो आणि मुलांच्या व्हॉलीबॉल स्पर्धांचे आयोजन करण्यात आले होते. विविध शाळांमधील एकूण ४४ संघांनी सहभाग घेतला, ज्याला प्रचंड प्रतिसाद मिळाला.

मनोज बियाणी यांनी स्पर्धेच्या उद्घाटन सोहळ्याचे अध्यक्षपद भूषवले. नगर परिषदेचे उपमुख्य अधिकारी शेख परवेझ यांच्या हस्ते स्पर्धेचे उद्घाटन करण्यात आले. याप्रसंगी महाराष्ट्र राज्य क्रीडा व शारीरिक शिक्षण शिक्षक महासंघाचे राज्य उपाध्यक्ष डॉ. प्रदीप साखरे, संगीता बियाणी, वैभव पवार, प्राचार्य व्ही. सुलताने आणि इतर उपस्थित होते.

क्रीडा शिक्षकांनी पंच म्हणून काम पाहिले.

डॉ. प्रदीप साखरे यांच्या मार्गदर्शनाखाली क्रीडा शिक्षक विलास पाटील, हिम्मत पाटील, विजय संकट, मुकेश मोरे, उमेश राठोड, नामदेव चव्हाण, निलेश राजपूत, दत्तू अहिरे, लक्ष्मीकांत नेमाडे, सुनील चौधरी, योगेश खिरडीकर, गणेश बोड्डे, वंदना ठोके आणि अर्चना राजपूत यांनी स्पर्धेत पंच म्हणून काम पाहिले. सर्व तालुका क्रीडा शिक्षकांनी, तसेच भुसावळ येथील बियाणी मिलिटरी स्कूलने, ही स्पर्धा यशस्वी करण्यासाठी अमूल्य सहकार्य केले.