फैजपूरमध्ये सार्वजनिक शौचालयाच्या मागणीसाठी राष्ट्रवादी काँग्रेसचे मुख्याधिकारी यांना निवेदन श्रीराम टॉकीज जवळील अतिक्रमण हटवून पुरुषांसाठी सार्वजनिक शौचालय उभारण्याची माजी प्रभारी नगराध्यक्ष शे. कुर्बान हाजी अ.करीम

  फैजपूरमध्ये सार्वजनिक शौचालयाच्या मागणीसाठी राष्ट्रवादी काँग्रेसचे मुख्याधिकारी यांना निवेदन  श्रीराम टॉकीज जवळील अतिक्रमण हटवून पुरुषांसा...

 फैजपूरमध्ये सार्वजनिक शौचालयाच्या मागणीसाठी राष्ट्रवादी काँग्रेसचे मुख्याधिकारी यांना निवेदन 

श्रीराम टॉकीज जवळील अतिक्रमण हटवून पुरुषांसाठी सार्वजनिक शौचालय उभारण्याची माजी प्रभारी नगराध्यक्ष शे. कुर्बान हाजी अ.करीम 

इदू पिंजारी फैजपूर 

(संपादक : हेमकांत गायकवाड)

फैजपूर शहरातील नागरिक, व्यापारी आणि परिसरात ये-जा करणाऱ्या पुरुषांना सार्वजनिक शौचालयाअभावी होणारा त्रास लक्षात घेऊन राष्ट्रवादी काँग्रेस पक्षाच्या अल्पसंख्याक विभागाचे रावेर लोकसभा जिल्हाध्यक्ष तथा फैजपूर नगरपरिषदेचे माजी प्रभारी नगराध्यक्ष शेख कुर्बान हाजी अब्दुल करीम यांनी आक्रमक भूमिका घेतली आहे. शहरातील गट क्रमांक १२८० व १२८०-अ मधील श्रीराम टॉकीजजवळ असलेल्या नगरपरिषदेच्या मालकीच्या जागेवरील अतिक्रमण हटवून त्या ठिकाणी पुरुषांसाठी सार्वजनिक शौचालय बांधण्यात यावे, अशी ठाम मागणी त्यांनी नगरपरिषदेच्या मुख्याधिकाऱ्यांकडे निवेदनाद्वारे केली आहे.

सार्वजनिक शौचालयाअभावी नागरिकांची गैरसोय!

फैजपूर शहरात नागरिकांची वर्दळ असलेल्या भागात सार्वजनिक शौचालयाची पुरेशी सुविधा उपलब्ध नसल्याने नागरिक, व्यापारी आणि परिसरात येणाऱ्या पुरुषांना मोठ्या अडचणींचा सामना करावा लागत आहे. सार्वजनिक स्वच्छतेचा प्रश्नही गंभीर बनत असल्याने संबंधित जागेचा उपयोग नागरिकांच्या मूलभूत सुविधांसाठी करण्यात यावा, अशी मागणी निवेदनात करण्यात आली आहे.

अतिक्रमण हटवा,

 नागरिकांना सुविधा द्या!

शेख कुर्बान हाजी अब्दुल करीम यांनी आपल्या निवेदनात नगरपरिषदेच्या मालकीच्या जागेची कागदपत्रे व अभिलेख तपासण्याची मागणी केली आहे. तसेच, संबंधित जागेवर अनधिकृत अतिक्रमण किंवा बेकायदेशीर हक्क आढळल्यास नियमानुसार चौकशी करून कायदेशीर कारवाई करावी, अशी मागणीही त्यांनी केली आहे.

या सोबतच जागेवरील अनधिकृत अतिक्रमण हटवून ती जागा अतिक्रमण मुक्त करावी, नगरपरिषदेच्या नियमांनुसार सार्वजनिक शौचालय उभारण्याचा प्रस्ताव मंजूर करावा आणि त्यासाठी आवश्यक निधीची तरतूद करावी, असेही निवेदनात नमूद करण्यात आले आहे.

केवळ आश्वासन नको, प्रत्यक्ष कार्यवाही करा!

सार्वजनिक शौचालयाचे बांधकाम लवकरात लवकर सुरू करून नागरिकांना ही सुविधा उपलब्ध करून द्यावी, अशी ठाम मागणी करण्यात आली आहे. शहरातील स्वच्छता, नागरिकांची गैरसोय आणि सार्वजनिक जागेचा योग्य वापर या मुद्द्यांवर नगरपरिषदेने गांभीर्याने लक्ष देण्याची गरज या निवेदनातून अधोरेखित झाली आहे.

आता या मागणीवर फैजपूर नगरपरिषद प्रशासन काय भूमिका घेते आणि नागरिकांना सार्वजनिक शौचालयाची सुविधा कधी उपलब्ध होते, याकडे शहरवासीयांचे लक्ष लागले आहे

मागणी स्पष्ट आहे नगरपरिषदेच्या जागेचा योग्य वापर करा, अतिक्रमणाच्या प्रश्नाची नियमानुसार दखल घ्या आणि नागरिकांना मूलभूत सुविधा उपलब्ध करून द्या!