नाशिकमध्ये राज्यस्तरीय ‘पँथर गर्जना’ महामेळावा उत्साहात संपन्न! शोषित, पीडित व वंचितांच्या हक्कांसाठी पँथरांची एकजूट; परिवर्तनाचा बुलंद आवाज

नाशिकमध्ये राज्यस्तरीय ‘पँथर गर्जना’ महामेळावा उत्साहात संपन्न! शोषित, पीडित व वंचितांच्या हक्कांसाठी पँथरांची एकजूट; परिवर्तनाचा बुलंद आवाज...

नाशिकमध्ये राज्यस्तरीय ‘पँथर गर्जना’ महामेळावा उत्साहात संपन्न!

शोषित, पीडित व वंचितांच्या हक्कांसाठी पँथरांची एकजूट; परिवर्तनाचा बुलंद आवाज

नाशिक प्रतिनिधी

(संपादक : हेमकांत गायकवाड) 

नाशिक : शोषित, पीडित आणि वंचित घटकांच्या हक्कांसाठी संघर्ष करणाऱ्या पँथरांच्या एकजुटीचे दर्शन घडविणारा राज्यस्तरीय ‘पँथर गर्जना’ महामेळावा मोठ्या उत्साहात, प्रचंड ताकदीने आणि जल्लोषपूर्ण वातावरणात संपन्न झाला. या महामेळाव्याच्या माध्यमातून सामाजिक न्याय, समता आणि अन्यायाविरुद्धच्या संघर्षाचा बुलंद आवाज पुन्हा एकदा घुमल्याची भावना व्यक्त करण्यात आली. हा महामेळावा केवळ गर्दीचा सोहळा नसून, अन्यायाविरुद्ध लढणाऱ्या कार्यकर्त्यांच्या एकजुटीचे आणि परिवर्तनाच्या विचारांचे प्रतीक ठरला. समाजातील शोषित, पीडित आणि वंचित घटकांना न्याय व हक्क मिळवून देण्यासाठी संघटितपणे संघर्ष करण्याचा निर्धार या मेळाव्याच्या निमित्ताने अधोरेखित झाला.

‘संघर्ष आमचा श्वास, समता आमचा ध्यास आणि अन्यायाविरुद्धचा लढा हाच आमचा इतिहास!’ या विचारातून पँथर चळवळीची संघर्षशील भूमिका स्पष्ट होते. पँथरांची एकजूट, विचारांची ताकद आणि परिवर्तनाची गर्जना हा संदेश या महामेळाव्याच्या माध्यमातून समाजापर्यंत पोहोचविण्यात आला. यावेळी ऑल इंडिया पँथर सेनेचे जळगाव जिल्हाध्यक्ष लखन पानपाटील यांनी पँथर चळवळीतील एकजूट आणि सामाजिक परिवर्तनाच्या विचारांचे महत्त्व अधोरेखित केले. पॅंथरांची एकजूट म्हणजे अन्यायाविरुद्धची ताकद आणि समतेच्या दिशेने टाकलेले ठाम पाऊल, असा संदेश या राज्यस्तरीय महामेळाव्याने दिला.