वर्डी ता.चोपडा येथे दि.२ मे पासून भव्य मोफत वारकरी बालसंस्कार शिबिराचे आयोजन

  वर्डी ता.चोपडा येथे दि.२ मे पासून भव्य मोफत वारकरी बालसंस्कार शिबिराचे आयोजन आपल्या पाल्यांना या बालसंस्कार शिबिरात पाठवून त्यांची संस्कार...

 वर्डी ता.चोपडा येथे दि.२ मे पासून भव्य मोफत वारकरी बालसंस्कार शिबिराचे आयोजन

आपल्या पाल्यांना या बालसंस्कार शिबिरात पाठवून त्यांची संस्कारांची शिदोरी बळकट करावी

प्रतिनिधी चोपडा

(संपादक: हेमकांत गायकवाड)

     समर्थ सद्गुरु सुखनाथ बाबा यांच्या नगरीत वर्डी ता.चोपडा येथे दि.२ मे ते ११ मेदरम्यान सद्गुरू संत तानाजी महाराज प्रसादिक भव्य मोफत वारकरी बालसंस्कार शिबिराचे आयोजन करण्यात येणार असून,या बालसंस्कार शिबिरात मुलांच्या उन्हाळी सुट्टीत त्यांना सुसंस्कारांचे बीजारोपण व्हावे,तसेच आगामी पिढी अध्यात्मिक व सुसंस्कारित व्हावे या पवित्र उद्देशाने सद्गुरू संत तानाजी महाराज यांचे वंशज महंत प्रा. हभप सुशील जी महाराज विटनेरकर यांच्या मार्गदर्शनाने या सुसंस्कार शिबिराचे आयोजन करण्यात येत असून,यावर्षी या शिबिराचे तिसरे वर्ष आहे,हे शिबिर दरवर्षी फिरत्या नारळाच्या पद्धतीने नवनवीन गावांना होत असते,त्यासाठी २०२९ पर्यंत या फिरत्या बालसंस्कार शिबिराचे नारळ स्वीकारले गेले आहे.

यावर्षीच्या शिबिराचे संयोजक मठाधिपती प.पु.भैया दादा असून,आयोजक समस्त ग्रामस्थ व भजनी मंडळ वर्डी आहेत, या शिबिरादरम्यान विद्यार्थ्यांना सकाळी ५.३० वा.योगासन, प्राणायाम,काकड आरती,८.३० ते १०.३० वा.नित्यपाठ,गीतेचे अध्याय,नमनवाटिका,पखवाजबो ल,टाळबोल,१०.३० वा.मधुकरी पद्धतीने भोजन,१२ ते २ वा. विश्रांती दुपारी.२ ते ४-अध्याय,प्रवचन,४.३० ते ६.०० वा.हरिपाठ,मैदानी खेळ,रिंगणसोहळा,६.३०- मधुकरी पद्धतीने रात्रीचे भोजन,  रात्री ८.३० ते १०.३०- हरीकिर्तन, दि.०२ मे -हभप गोकुळ महाराज पिंपळीकर,दि.०३ मे-हभप दिनेश महाराज कंचनपूरकर,दि.०४ मे- हभप तेजस महाराज वडगावकर, दि.०५ मे हभप धीरज महाराज रुंधाटीकर, दि.०६ मे-हभप कीर्तिताई महाराज शेवगेकर,दि.०७ मे हभप भानुदास महाराज अमळनेरकर, दि.०८ मे हभप दीपक महाराज चंदासनी, दि.०९ मे हभप सुप्रीम महाराज कोंढावळकर, दि.१० मे हभप शारंगधर महाराज अमळनेरकर, आणि दि.११ मे महंत प्रा हभप सुशीलजी महाराज विटनेरकर यांच्या काल्याच्या कीर्तनाने शिबिराची सांगता होईल.

 तरी सर्व परिसरातील भाविकांनी आपल्या पाल्यांना या बालसंस्कार शिबिरात पाठवून त्यांची संस्कारांची शिदोरी बळकट करावी,दररोज होणाऱ्या हरिकीर्तनाचा लाभ सर्व भाविकांनी घ्यावा असे आव्हाहन संयोजक प.पु. भैय्या दादा, महंत प्रा.सुशील महाराज विटनेरकर,आणि आयोजक ग्रामस्थांनी केले आहे