सावद्यात प्रहार तर्फे स्नेह संवाद व सन्मान मेळावा

  सावद्यात प्रहार तर्फे स्नेह संवाद व सन्मान मेळावा कुलसुमबाई सभागृहात प्रहार संघटने तर्फे आशा सेविका व अंगणवाडी सेविका यांचा मेळावा    राव...

 सावद्यात प्रहार तर्फे स्नेह संवाद व सन्मान मेळावा

कुलसुमबाई सभागृहात प्रहार संघटने तर्फे आशा सेविका व अंगणवाडी सेविका यांचा मेळावा 

 रावेर प्रतिनिधी मोहसीन मुबारक तडवी 

(संपादक  :- हेमकांत गायकवाड)

 रावेर तालुक्यातील सावदा येथे दि २३ रोजी कुलसुमबाई सभागृहात प्रहार संघटने तर्फे आशा सेविका व अंगणवाडी सेविका यांचा मेळावा आयोजित करण्यात आला होता यावेळी प्रहार संघटनेचे आ. बच्चू कडू हे प्रमुख स्थानी होते. त्यांचे सोबत अनिल चौधरी व मान्यवर उपस्थित होते.

यावेळी कार्यक्रमात बोलताना आ. बच्चू कडू यांनी समाजात असलेली आर्थिक असमानता दूर झाली पाहिजे असे प्रतिपादन केले. प्राध्यापक, कलेक्टर, आमदार, खासदार यांना  लाखो रुपये पगार तर ग्राउंड लेव्हल वर काम करणारे सर्व लोक, आशा सेविका, अंगणवाडी सेविका यांना मात्र अतिशय कमी पगार ही आर्थिक विसंगती असून ती दूर करण्याचा प्रहार संघटना नेहमी प्रयत्न करणार असल्याचे सांगितले, तर आमचे आज दोन आमदार असले 

तरी येत्या निवडणुकीत आम्ही पूर्ण ताकदीने उतरू व आमचे किमान २० ते २५ आमदार निवडून येतील असा विश्वास व्यक्त केला दरम्यान प्रहार कोणा बरोबर रहाणार असा प्रश्न पत्रकारांनी विचारला असता अद्याप निर्णय घेतला नसल्याचे सांगत लवकरच सर्व सहकारी यांचे सोबत चर्चा करून निर्णय घेऊ असे सांगत सर्व पर्याय खुले असल्याचे सांगितले तसेच रावेर विधानसभे साठी अनिल चौधरी यांचे नाव आजच जाहीर करीत असून ते निश्चित असल्याचे सांगितले.

प्रसंगी प्रहार दिव्यांग क्रांती संघटने च्या वतीने प्रहार दिव्याग क्रांती संघटनेचे जळगाव जिल्हा सल्लागार शरद बारजिभे  यावल तालुका अध्यक्ष प्रविण सोनवणे, यावल तालुका उपाध्यक्ष हरिभाऊ पाटील, शहर प्रमुख उत्तम कानडे, सचिव अरुण ठाकूर, यावल तालुका संघटक ललित पाटील, तालुका संपर्क प्रमुख

दिलीप आमोदकर, खुशबू चौधरी, महिला आघाडी सल्लागार राजेंद्र गीते, अशोक भावसार इत्यादी दिव्यंग बंधू आणि भगिनी यांनी माननीय बच्चू भाऊ कडू यांची भेट घेतली.