राज्य मंडळाकडून पुढील वर्षी होणाऱ्या महाराष्ट्र बोर्डाच्या परीक्षेच्या संभाव्य तारखा जाहीर

राज्य मंडळाकडून पुढील वर्षी होणाऱ्या महाराष्ट्र बोर्डाच्या परीक्षेच्या संभाव्य तारखा जाहीर महाराष्ट्र राज्य माध्यमिक व उच्च माध्यमिक शिक्ष...

राज्य मंडळाकडून पुढील वर्षी होणाऱ्या महाराष्ट्र बोर्डाच्या परीक्षेच्या संभाव्य तारखा जाहीर

महाराष्ट्र राज्य माध्यमिक व उच्च माध्यमिक शिक्षण मंडळाच्या वतीने दहावी आणि बारावीच्या  २०२५ या वर्षी होणाऱ्या परीक्षेच्या संभाव्य तारखा जाहीर

नेशन महाराष्ट्र न्यूज ब्युरो  :- पुणे

(संपादक  :- हेमकांत गायकवाड)

महाराष्ट्र राज्य माध्यमिक व उच्च माध्यमिक शिक्षण मंडळाच्या वतीने दहावी आणि बारावीच्या २०२५ या वर्षी होणाऱ्या परीक्षेच्या संभाव्य तारखा जाहीर आगामी वर्षात २०२५ इयत्ता १० वी ची लेखी परीक्षा २१ फेब्रुवारी २०२५ सुरु होणार आणि १७ मार्च २०२५ रोजी संपणार आहे. इयत्ता बारावीची लेखी परीक्षा ११ फेब्रुवारी २०२५ रोजी सुरु होणार आहे आणि १८ मार्च २०२५ ला संपणार. दहावीची प्रात्यक्षिक, श्रेणी, तोंडी परीक्षा व अंतर्गत मूल्यमापन परीक्षा ३ फेब्रुवारी २०२५ ते २० फेब्रुवारी होणार तर बारावीची प्रात्यक्षिक, श्रेणी, तोंडी व अंतर्गत मूल्यमापन २४ जानेवारी २०२५ ते १० फेब्रुवारी २०२५ पर्यंत होणार.राज्य मंडळाच्या सचिव अनुराधा ओक यांनी या बाबत माहिती दिली आहे.पुणे, नागपूर, अमरावती, मुंबई, कोल्हापूर, नाशिक, छत्रपती संभाजी नगर, कोकण आणि लातूर या नऊ विभागात महाराष्ट्र राज्य माध्यमिक व उच्च माध्यमिक शिक्षण मंडळाच्या वतीने दहावी आणि बारावीची परीक्षा घेतली जाते. इयत्ता दहावीची लेखी परीक्षा मार्चच्या पहिला आठवड्यात तर इयत्ता बारावीची लेखी परीक्षा फेब्रुवारी महिन्याच्या तिसऱ्या आठवड्यात घेण्यात येते.तर १० वी चा निकाल जून महिन्यांच्या पहिल्या आठवड्यात आणि १२ वी चा निकाल मे च्या अखेरीस जाहीर होतो. तर जुलै-ऑगस्ट मध्ये पुरवणी परीक्षा घेण्यात येते.विद्यार्थ्यांना परीक्षेचे दडपण येऊ नये, अभ्यासक्रम वेळीच पूर्ण व्हावा, अभ्यासासाठी पुरेसा वेळ मिळावा. या साठी राज्य मंडळाकडून पुढील वर्षी होणाऱ्या महाराष्ट्र बोर्डाच्या परीक्षेच्या संभाव्य तारखा जाहीर करण्यात आल्या आहे.