पोहेकॉ संजय पाटील यांचा रेल्वे अपघातात मृत्यू , मृतदेहाची ओळख दोन दिवसांनी पटली

  पोहेकॉ संजय पाटील यांचा रेल्वे अपघातात मृत्यू, मृतदेहाची ओळख दोन दिवसांनी पटली अडावद पोलिस ठाणे अडावद येथे होते कार्यरत  चोपडा प्रतिनिधी  ...

 पोहेकॉ संजय पाटील यांचा रेल्वे अपघातात मृत्यू, मृतदेहाची ओळख दोन दिवसांनी पटली

अडावद पोलिस ठाणे अडावद येथे होते कार्यरत 

चोपडा प्रतिनिधी 

(संपादक -:-हेमकांत गायकवाड)

चोपडा तालुक्यातील अडावद येथील पोलिस ठाण्याचे पोलिस कॉन्स्टेबल संजय आत्माराम पाटील ( वय ५१वर्षे)  यांचा  रेल्वे अपघातात दूर्दैवी मृत्यू झाल्याची वार्ता कळताच परिसरात सर्वत्र हळहळ व्यक्त करण्यात येत असून गेल्या दोन दिवसांपासून रेल्वे अपघातात छिन्नविछिन्न अवस्थेत असलेल्या मृतदेहाची ओळख नातेवाईकांकडून झाल्याने शवविच्छेदन करून मृतदेह नातेवाईकांच्या ताब्यात देण्यात आला या घटनेचे वृत्त चोपडयात समजताच  सर्वत्र शोककळा पसरली आहे.

 याबाबत पोलिसांकडून प्राप्त माहिती नुसार दि.१२/१२/२०२४ रोजी दुपारी ४:३०वाजेच्या सुमारास टाकरखेडा अमळनेर च्या मधील भागात अमळनेर नजीकच्या  मालधक्का रेल्वे पटरीवर एका इसमाची बॉडी, चेहरा छिन्नविछिन्न अवस्थेत  रेल्वे पोलिसांना मिळून आली. सदरील बॉडी अमळनेर पोलिसांकडे सोपविण्यात आल्यानंतर बॉडीची ओळख पटविण्याचे काम सुरू झाले होते सदरील मृतदेह ग्रामीण रुग्णालयात ठेवण्यात आला होता. पोलिस तपास सुरू असतांना चोपडा शहर पोलिसात मिसिंगचा गुन्हा दाखल झाल्याने त्यांच्या नातेवाईकांकडे पोलिसांनी सदरील बॉडीची  खात्री करण्यास सांगितले असता मयताचे कपडे व चप्पल वरुन पोलिस कॉन्स्टेबल संजय पाटील यांची बॉडी असल्याची खात्री त्यांच्या पत्नीने केली व मृतदेहास ओळखले. यावरून त्यांनी अमळनेर ग्रामीण रुग्णालयात जाऊन खात्री केली असता सदरील मयताच्या पत्नीने आपल्याच पतीचा मृत्यू देह असल्याचे स्पष्ट केले.यानंतर शवविच्छेदन होऊन मृतदेह नातेवाईकांचे ताब्यात देण्यात आला आहे.याबाबत  अमळनेर स्टेशन मास्तर यांच्या खबरीवरून पोलिसात गुरनं क्रमांक १२६/२०२४अकस्मात मृत्यूची नोंद करण्यात आली आहे.पुढील तपास पोहेकॉ गणेश पाटील हे करीत आहेत. पोलिस कॉन्स्टेबल संजय पाटील हे चोपडा येथील महावीर नगरातील रहिवासी असून ते शांत व मनमिळाऊ स्वभावाचे  होते.  त्यांनी चोपडा ग्रामीण पोलिस स्टेशन, अमळनेर पोलिस स्टेशन, सध्या अडावद पोलिस ठाणे याठिकाणी उत्कृष्ट सेवा बजावली आहे .त्यांच्या पश्चात पत्नी, मुलगा,मुलगी असा परिवार आहे.