✨ बोरमळी येथे पथनाट्यतून सुरक्षित बाळंतपणा चा संदेश 🏥🤱

  ✨ बोरमळी येथे पथनाट्यतून सुरक्षित बाळंतपणा चा संदेश 🏥🤱 चोपडा प्रतिनिधी (संपादक -:-हेमकांत गायकवाड)      आज दि- ०८/०१/२०२५  रोजी सातपुड्...

 ✨ बोरमळी येथे पथनाट्यतून सुरक्षित बाळंतपणा चा संदेश 🏥🤱

चोपडा प्रतिनिधी

(संपादक -:-हेमकांत गायकवाड)

     आज दि- ०८/०१/२०२५  रोजी सातपुड्यातील बोरमळी या गावात महिलेच्या सुरक्षित बाळंतपणाच्या तसेच आरोग्य सेवेला अधिक बळकटी देण्यासाठी  अमळनेर येथील आधार बहुउद्देशीय संस्था व Jpiego यांच्या संयुक्त विद्यमाने सुरू असलेल्या  AMPLI-PPHI प्रोजेक्ट च्या (community awareness activitie) समुदाय जनजागृती कार्यक्रमातून पथनाट्याचा कार्यक्रम घेण्यात आला.

यावेळी या कार्यक्रमाला विशेष उपस्थिती म्हणून कर्जाणे उपकेंद्रात 24/7 उपस्थित राहून सेवा देणाऱ्या तसेच आपल्या समुपदेशनातून लाभार्थ्यांना आरोग्य विषयी जागृत करणाऱ्या कर्तव्यदक्ष आरोग्य सेविका विभांगिनी हुमणे मॅडम यांची विशेष उपस्थिती होती  सोबतच  गावातील पटेल बाबुराव दादा ,आशा सेविका रत्नाताई , सतीश काकडे, गावातील सामाजिक कार्यकर्ते, महिला आदि उपस्थित होते. सोबतच जपायगो चे आम्रपाली मॅडम, उज्वल भगत सर,दीपक संदनशिव सर,  उपस्थित होते.

   दीपक सर यांनी कार्यक्रमाची प्रास्ताविका मांडली तद्नंतर टीम ने पथनाट्य सादर केले यानंतर कार्यक्रमाला लाभलेले प्रमुख पाहुणे विभांगिनी मॅडम यांनी गावकऱ्यांना आपल्या भागातील प्राथमिक आरोग्य केंद्रांतर्गत मिळणाऱ्या सेवा तसेच योजना याबाबत लोकांना माहिती दिली व सुरक्षित बाळंतपणासाठी प्रसूतीपूर्व तसेच बाळंतपणा दरम्यान महिलेची ( ANC मातेची) घ्यावयाची काळजी व त्याबाबतचे उपयोजन याबद्दल  गावकर्‍यांना सविस्तर माहिती आपल्या भाषणातून दिली.  

      यासाठी आपल्या चोपडा तालुक्याचे आरोग्य दूत तालुका वैद्यकीय अधिकारी डॉ. प्रदीप लासुरकर सर व आधार संस्थेच्या अध्यक्षा डॉ. भारती पाटील तसेच Jpiego च्या PO - आम्रपाली मुरार , दीपक संदनशिव , भगत सर  यांच्या मार्गदर्शनाखाली अशा प्रकारचे आरोग्य जनजागृती कार्यक्रम गाव पातळीवर,शाळांवर तसेच पाड्यांवर, वस्त्यांवर राबविले जात आहेत .

     शेवटी कार्यक्रमाचा समारोप सागर पावरा सर व प्रिती बारेला यांनी आपल्या स्थानिक भाषेत शब्दसुमानाने सर्व गावकर्‍याचे आभार मानले यावेळी लेनिन महाजन, ज्ञानेश्र्वर सोनवणे, शिवा बारेला, निशांत कोळी इ उपस्थीत होते कार्यक्रमासाठी विशेष सहकार्य- शिवा बारेला.