हॉटेल मित्रधन येथे स्थानिक गुन्हे शाखा व पाथर्डी पोलीस स्टेशनची संयुक्त कारवाई पिटा कायदयांतर्गत गुन्हा दाखल

  हॉटेल मित्रधन येथे स्थानिक गुन्हे शाखा व पाथर्डी पोलीस स्टेशनची संयुक्त कारवाई पिटा कायदयांतर्गत गुन्हा दाखल  अहिल्यानगर (दि.१० प्रतिनिधी)...

 हॉटेल मित्रधन येथे स्थानिक गुन्हे शाखा व पाथर्डी पोलीस स्टेशनची संयुक्त कारवाई पिटा कायदयांतर्गत गुन्हा दाखल 

अहिल्यानगर (दि.१० प्रतिनिधी):-

(संपादक -:-हेमकांत गायकवाड)

पाथर्डी येथील हॉटेल मित्रधन येथील वेश्याव्यवसायावर पिटा कायदयांतर्गत स्थानिक गुन्हे शाखा व पाथर्डी पोलीस स्टेशनची संयुक्त कारवाई करून गुन्हा दाखल केला आहे. जिल्हा पोलीस अधीक्षक राकेश ओला यांच्या आदेशाने स्थानिक गुन्हे शाखा व तपास पथकातील अधिकारी व अंमलदार दि.१० फेब्रुवारी रोजी पाथर्डी पोलीस स्टेशन हद्दीत अवैध धंद्याची माहिती काढत असतांना पोसई/अनंत सालगुडे यांना गुप्त बातमीदारा मार्फत हॉटेल मित्रधन,पाथर्डी ते तिसगाव जाणारे रोडवर,पाथर्डी येथे इसम नामे मल्हारी रघुनाथ पालवे, रा.पाथर्डी हा महिलाकरवी कुंटणखाना (वेश्याव्यवसाय) चालवित आहे.अशी खात्रीशीर माहिती मिळाल्याने तपास पथकाने सदरची माहिती पोनि/संतोष मुटकुळे,पाथर्डी पोलीस स्टेशन यांना दिली.त्यानंतर तपास पथक व पोनि/संतोष मुटकुळे व सपोनि/तांबे व पोलीस अंमलदार नितीन दराडे, बेरड,सय्यद, जाधव नेम.पाथर्डी पोलीस स्टेशन अशांच्या संयुक्त पथक तयार करून छापा कारवाई करणेबाबत रवाना झाले.तपास पथकाने हॉटेल मित्रधन,हॉटेल येथे चालणाऱ्या कुंटणखान्यावर खात्री करण्याकरीता पथकातील पोलीस अंमलदार बनावट ग्राहक म्हणुन पाठविले.तपास पथकाने नमूद हॉटेलमध्ये वेश्याव्यवसाय चालू असलेबाबत खात्री पटल्यानंतर पंचासमक्ष हॉटेलवर छापा टाकुन हॉटेलमधील इसम नामे मल्हारी रघुनाथ पालवे, वय 28, रा.कसबा पेठ,पाथर्डी, ता.पाथर्डी,जि.अहिल्यानगर यास ताब्यात घेऊन पंचासमक्ष त्याची अंगझडती घेतली असता त्याचे ताब्यातुन २०,०००/- रूपये किंमतीचा एक मोबाईल व १,०००/- रूपये रोख रक्कम असा एकुण २१,०००/- रूपये किंमतीचा मुद्देमाल जप्त केला. मल्हारी रघुनाथ पालवे याचेसह हॉटेलची पाहणी करता हॉटेलच्या पहिल्या मजल्यावरील रूममध्ये ३ महिला मिळून आल्या.नमूद महिलाकडे विचारपुस करता त्यांनी मल्हारी पालवे याने आम्हास वेश्या व्यवसायाकरीता आणल्याचे सांगुन,ग्राहकाकडून पैस घेऊन, त्यामधुन आम्हास पैस देतात व आमचे कडून वेश्याव्यवसाय करून घेतात. वेश्याव्यवसायातून मिळणाऱ्या पैशावर आमची उपजीविका चालते,अशी माहिती सांगीतली.नमूद पथकाने वर नमूद महिलांची सुटका केलेली आहे.पाथर्डी येथे छापा टाकुन केलेल्या कारवाईमध्ये आरोपी नामे मल्हारी रघुनाथ पालवे,वय २८, रा.कसबा पेठ, पाथर्डी, ता.पाथर्डी, जि.अहिल्यानगर हा स्वत:चे आर्थिक फायदयाकरीता ३ महिलांकडून कुंटणखाना चालवून त्यावर आपली उपजिवीका करताना मिळून आल्याने त्यांचेविरूध्द मपोकॉ/2120 सारिका नारायण दरेकर, नेम.स्थानिक गुन्हे शाखा, अहिल्यानगर यांनी दिलेल्या फिर्यादीवरून पाथर्डी पोलीस स्टेशन गुरनं 118/2025 स्त्रिया व मुली यांचे अनैतिक व्यापारास (प्रतिबंध) कायदा 1956 चे कलम 3, 4, 5, 6, 7 प्रमाणे गुन्हा दाखल करण्यात आला असून पुढील तपास पाथर्डी पोलीस स्टेशन करीत आहेत.सदरची कारवाई श्री.राकेश ओला, पोलीस अधीक्षक अहिल्यानगर,श्री.प्रशांत खैरे, अपर पोलीस अधिक्षक,श्री.सुनिल पाटील, शेवगाव उपविभाग, स्थानिक गुन्हे शाखेचे पोलीस निरीक्षक दिनेश आहेर यांचे सुचना व मार्गदर्शना खाली स्थानिक गुन्हे शाखेचे पोलीसपोसई/अनंत सालगुडे व पोलीस अंमलदार अतुल लोटके,संतोष खैरे, सोमनाथ झांबरे,किशोर शिरसाठ,शिवाजी ढाकणे, सारिका दरेकर व उमाकांत गावडे यांनी केलेली आहे.