साकळी ग्रामपंचायतील संविधान फलकाचे अनावरण

  साकळी ग्रामपंचायतील संविधान फलकाचे अनावरण  भरत कोळी यावल ता.प्रतिनिधी  (संपादक -:- हेमकांत गायकवाड) साकळी ता.यावल-येथे आज दि.१४ एप्रिल २०२...

 साकळी ग्रामपंचायतील संविधान फलकाचे अनावरण 

भरत कोळी यावल ता.प्रतिनिधी 

(संपादक -:- हेमकांत गायकवाड)

साकळी ता.यावल-येथे आज दि.१४ एप्रिल २०२५ रोजी भारतरत्न डॉ.बाबासाहेब आंबेडकर यांच्या १३४ व्या जयंती निमित्ताने साकळी ग्रामपंचायत कार्यालयात विविध कार्यक्रमांचे आयोजन करण्यात आले होते.याप्रसंगी सुरुवातीला भारतरत्न डॉक्टर बाबासाहेब आंबेडकर यांच्या प्रतिमेचे पूजन लोकनियुक्त सरपंच दिपक पाटील तसेच उपस्थित मान्यवरांच्या हस्ते करण्यात येऊन व विनम्र अभिवादन करण्यात आले. यावेळी जि.प.माजी शिक्षण व आरोग्य सभापती रविंद्र पाटील,सरपंच दिपक पाटील,माजी ग्रामपंचायत सदस्य राजू सोनवणे यांनी मनोगत व्यक्त केले व सर्वांनी आपल्या मनोगतात डॉ.आंबेडकरांच्या जिवनकार्याचे स्मरण केले. यानंतर ग्रामपंचायतीच्या सभागृहात दर्शनी भागात आकर्षकपणे लावण्यात आलेल्या संविधान फलकाचे अनावरण मान्यवरांचे हस्ते करण्यात आले. यावेळी जि.प.माजी शिक्षण सभापती रविंद्र पाटील,लोकनियुक्त सरपंच दिपक पाटील यांची सर्व ग्रामपंचायत सदस्य,विविध संस्थांचे आजी-माजी पदाधिकारी,ग्रामंस्थ,भीमसैनिक तसेच ग्रामपंचायतीचे सर्व कर्मचारी उपस्थित होते.यानंतर ग्रामपंचायत कार्यालया जवळील विश्वरत्न डॉ.बाबासाहेब आंबेडकर यांच्या स्मारकाच्या ठिकाणी तसेच महात्मा फुले चौकातील महात्मा ज्योतिबा फुले यांच्या प्रतिमेजवळ उपस्थित मान्यवरांनी अभिवादन केले.