स्थानिक गुन्हे शाखेचा कुंटणखाण्यावर छापा,पीडित तीन महिलांची सुटका.. आरोपींवर पिटा कायद्यान्वये गुन्हा दाखल

  स्थानिक गुन्हे शाखेचा कुंटणखाण्यावर छापा,पीडित तीन महिलांची सुटका.. आरोपींवर पिटा कायद्यान्वये गुन्हा दाखल  सचिन मोकळं अहिल्यानगर (संपादक-...

 स्थानिक गुन्हे शाखेचा कुंटणखाण्यावर छापा,पीडित तीन महिलांची सुटका.. आरोपींवर पिटा कायद्यान्वये गुन्हा दाखल 

सचिन मोकळं अहिल्यानगर

(संपादक-:- हेमकांत गायकवाड)

अहिल्यानगर (दि५):-नगर तालुक्यातील खंडाळा येथील हॉटेल राजयोग येथे चालणाऱ्या वेश्याव्यवसायावर स्थानिक गुन्हे शाखेच्या पथकाने छापा टाकत

आरोपीविरूध्द पिटा कायदयांतर्गत गुन्हा दाखल केला आहे.वरिष्ठ पोलीस अधिकाऱ्यांच्या सूचनेनुसार स्थानिक गुन्हे शाखेचे पथक दि.06 जून 2025 रोजी पथकास गोपनीय माहिती प्राप्त झाली की,इसम नामे अक्षय अनिल कर्डिले (रा.खंडाळा, ता.अहिल्यानगर) हा हॉटेल राजयोग,खंडाळा येथे महिलाकरवी कुंटणखाना (वेश्याव्यवसाय) चालवत आहे. तपास पथकाने सदरची माहिती पोनि/राजेंद्र इंगळे,एएचटीयु, अहिल्यानगर यांना दिली.त्यानंतर तपास पथक पोनि/राजेंद्र इंगळे यांचेसह छापा कारवाई करणेबाबत रवाना झाले.तपास पथकाने हॉटेल राजयोग,खंडाळा येथे चालणाऱ्या कुंटणखान्यावर खात्री करण्याकरीता पथकातील पोलीस अंमलदार बनावट ग्राहक म्हणुन पाठविले.हॉटेलमध्ये वेश्याव्यवसाय चालू असलेबाबत खात्री पटल्यानंतर पथकाने पंचासमक्ष हॉटेलवर छापा टाकुन इसम नामे नारायण ठाणप्रसाद भटुराई (वय 27,रा.कोहलपूर, ता.कोहलपूर,बाके,नेपाळ) यास ताब्यात घेऊन पंचासमक्ष त्याची अंगझडती घेतली असता त्याचे ताब्यातुन 1,500/- रूपये रोख रक्कम जप्त केली.हॉटेलची तपासणी केली असता हॉटेलमधील रूममध्ये 03 महिला मिळून आल्या.नमूद महिलाकडे विचारपुस करता त्यांनी अक्षय कर्डिले याने त्यांना वेश्याव्यवसायाकरीता आणल्याचे सांगुन,ग्राहकाकडून पैसे घेऊन,त्यामधुन आम्हास काही पैसे देतात व काही पैसे त्यांचेकडे ठेवून महिलांकडून वेश्याव्यवसाय करून घेतात. वेश्याव्यवसायातून मिळणाऱ्या पैशावर त्यांची उपजीविका चालत असल्याची माहिती सांगीतली.नमूद पथकाने वर नमूद महिलांची सुटका केलेली आहे.पथकाने पंचासमक्ष हॉटेल राजयोग,खंडाळा आरोपी अक्षय अनिल कर्डिले, वय 28, रा.खंडाळा, ता.अहिल्यानगर याचा शोध घेऊन तो मिळून आल्याने त्यास ताब्यात घेतले.त्याचे ताब्यातुन 1,00,000/- रू किंमतीचा सॅमसंग कंपनीचा एक मोबाईल तपासकामी जप्त करण्यात आला.येथे छापा टाकुन केलेल्या कारवाईमध्ये आरोपी नामे 1) अक्षय अनिल कर्डिले, वय 28, रा.खंडाळा, ता.अहिल्यानगर  2) नारायण ठाणप्रसाद भटुराई, वय 27, रा.कोहलपूर, ता.कोहलपूर, बाके, नेपाळ हे स्वत:चे आर्थिक फायदयाकरीता 03 महिलांकडून कुंटणखाना चालवून त्यावर आपली उपजिवीका करताना मिळून आल्याने त्यांचे विरूध्द मपोकॉ/2120 सारिका नारायण दरेकर, नेम.स्थानिक गुन्हे शाखा, अहिल्यानगर यांनी दिलेल्या फिर्यादीवरून नगर तालुका पोलीस स्टेशन गुरनं 487/2025 स्त्रिया व मुली यांचे अनैतिक व्यापारास (प्रतिबंध) कायदा 1956 चे कलम 3, 4, 5, 6, 7 प्रमाणे गुन्हा दाखल करण्यात आला असून पुढील तपास नगर तालुका पोलीस स्टेशन करीत आहेत.सदरची कारवाई श्री. सोमनाथ घार्गे पोलीस अधीक्षक अहिल्यानगर,श्री.प्रशांत खैरे अपर पोलीस अधिक्षक,श्री. अमोल भारती अति.कार्यभार नगर ग्रामीण उपविभाग यांचे सुचना व मार्गदर्शना खाली स्थानिक गुन्हे शाखेचे पोसई/ तुषार धाकराव,पोलीस अंमलदार गणेश धोत्रे,अरूण गांगुर्डे,संतोष खैरे,रविंद्र घुंगासे,भगवान थोरात, सारिका दरेकर व उमाकांत गावडे शाखेचे यांनी केलेली आहे.