ऋणानुबंध ची शनिवारी एस.डी.बर्मन आर.डी. बर्मन लाईव्ह संगीत संध्या ‘ लेकर हम दिवाना दिल ’ चे आयोजन

  ऋणानुबंध ची शनिवारी एस.डी.बर्मन आर.डी. बर्मन लाईव्ह संगीत संध्या 'लेकर हम दिवाना दिल ’ चे आयोजन  श्रीरामपूर / प्रतिनिधी: (संपादक -:- ह...

 ऋणानुबंध ची शनिवारी एस.डी.बर्मन आर.डी. बर्मन लाईव्ह संगीत संध्या 'लेकर हम दिवाना दिल ’ चे आयोजन 

श्रीरामपूर / प्रतिनिधी:

(संपादक -:- हेमकांत गायकवाड)

नगर शहरातील सामाजिक आणि सांगीत क्षेत्रातील नावाजलेली संस्था ऋणानुबंध बहुउद्देशिय सामाजिक संस्थेने शनिवार दि. २८ जून वाद्यवृंदासह "लेकर हम दिवाना दिल" या लाइव्ह म्युझिक संध्येचे नगर शहरातील सावेडी येथील माऊली सभागृह याठिकाणी सायंकाळी ५ : ३० वाजता आयोजन केले असल्याची माहिती आयोजकांनी दिली.

'ऋणानुबंध' ही संस्था नेहमी अनेक सामाजिक आणि सांगितीक उपक्रम राबवत असते, यावेळी नामवंत संगीतकार एस.डी. बर्मन आणि आर.डी. बर्मन यांच्या गीतांचा लाईव्ह ऑर्केस्ट्रासह मैफिलीचे आयोजन करण्यात आले असल्याचे प्रसिद्धीस दिलेल्या पत्रकात म्हटले आहे.

या म्यूझिक संध्येत बर्मन पितापुत्रांनी संगीतबध्द केलेल्या अनेक अजरामर गीतांची मेजवानी 'ऋणानुबंध' चे कलाकार सादर करणार आहेत. तेरे मेरे मिलन की ये रैना, हम दोनो दो प्रेमी, कांची रे कांची रे, भीगी भीगी रातो मे, जय जय शिव शंकर, जानु मेरी जान, यम्मा यम्मा, कोरा कागज था ये मन मेरा इत्यादी गाजलेली गाणी या कार्यक्रमात सादर होणार आहेत.

या कार्यक्रमात अजित रोकडे, डॉ. दमन काशिद, प्रशांत बंडगर, महेश घावटे, डॉ. शैलेंद्र खंडागळे, डॉ. विवेकानंद कंगे, सारंग पंधाडे, अजय आदमाने, भानुदास महानुर, चारुदत्त ससाणे, संजय भिगारदिवे, सारिका रघुवंशी, प्रतिभा साबळे, सीमा रघुवंशी, मोनाली बोरुडे, डॉ. गायत्री कुलकर्णी इत्यादी कलाकार गीते सादर करणार आहेत.

या कार्यक्रमाचे प्रायोजक शिंगवी ज्वेलर्स, माधवबाग साईमाऊली हॉस्पिटल, डॉ. दमन काशीद हॉस्पिटल, स्नेहदीप हॉस्पिटल, साताळकर लोटस, झेंडे हॉस्पिटल हे आहेत.

हा कार्यक्रम प्रेक्षकांना विनामुल्य पाहता येणार असुन उपस्थित प्रेक्षकांना माधवबाग कडून विविध चाचण्यांवर डिस्काउंट कुपन दिले जाणार आहे. काही भाग्यवान प्रेक्षकांना लकी ड्रॉ मधुन पैठण्या दिल्या जाणार आहेत. या कार्यक्रमाच्या पासेस साठी कृपया - 9420635096 / 9823811119 / 7350881515 / या क्रमांकावर फोन करावा असे आवाहन ऋणानुबंध चे सदस्य सचिव सचिन परदेशी यांनी केले आहे.

वृत्त विशेष सहयोग

ज्येष्ठ पत्रकार आबीद खान,अ.नगर

वृत्त प्रसिद्धी सहयोग

समता मीडिया सर्व्हिसेस

श्रीरामपूर - 9561174111