पोलीस निरीक्षकाच्या टेबलावर जवानाने डोके आपटून आत्महत्येचा प्रयत्न

  पोलीस निरीक्षकाच्या टेबलावर जवानाने डोके आपटून आत्महत्येचा प्रयत्न सचिन मोकळं अहिल्यानगर (संपादक -:- हेमकांत गायकवाड) अहिल्यानगर (दि१४):-अ...

 पोलीस निरीक्षकाच्या टेबलावर जवानाने डोके आपटून आत्महत्येचा प्रयत्न

सचिन मोकळं अहिल्यानगर

(संपादक -:- हेमकांत गायकवाड)

अहिल्यानगर (दि१४):-अहिल्यानगर शहरातील तोफखाना पोलीस ठाण्यातील पोलीस निरीक्षकांच्या टेबलवर राज्य राखीव दलाच्या जवानाने डोके आपटून आत्महत्येचा प्रयत्न केला. शुक्रवारी (ता.१३ जून) रोजी सायंकाळी सहा वाजेच्या सुमारास ही घटना घडली.बहिरू सूर्यकांत मगर (वय ३६,रा. जेऊर बायजाबाई,ता. अहिल्यानगर) असे जवानाचे नाव आहे.या प्रकरणी तोफखाना पोलीस निरीक्षक आनंद कोकरे यांनी दिलेल्या फिर्यादीवरून जवानावर गुन्हा दाखल करण्यात आला आहे.यापूर्वी तोफखाना पोलीस ठाण्यात जागेच्या वादातून बहिरू मगर याने फिर्याद दिली आहे.काल (शुक्रवारी) सायंकाळी तो पोलीस निरीक्षकांच्या दालनात गेला. माझ्या गुन्ह्यातील आरोपी अटक करा, अशी मागणी त्याने केली. आरोपीचा शोध घेत आहोत, आरोपी मिळताच अटक करू, असे पोलीस निरीक्षकांनी सांगितले.त्यानंतर त्याने माझ्या भावाला गजराजनगरमध्ये उडविले आहे,माझा भाऊ रुग्णालयात आहे,मी आत्महत्या करतो, असे म्हणत अचानक निरीक्षकांच्या समोरील टेबलवर तीन ते चार वेळा स्वतःचे डोके आपटून घेतले. तुम्ही माझ्या गुन्ह्यातील आरोपी अटक केला नाही, तर मी यापुढेही विष पिऊन आत्महत्या करील,अशी धमकी दिली.त्याच्या डोक्यातून रक्तस्त्राव सुरू झाल्याने पोलिसांनी त्याला तत्काळ उपचारासाठी रूग्णालयात दाखल केले. शासकीय अधिकार्‍यास कर्तव्य बजावण्यासाठी दबाव आणणे, आत्महत्येचा प्रयत्न करणे आदी कलमानुसार त्याच्यावर गुन्हा दाखल करण्यात आला आहे.