सीना नदीला महापूर:पूरग्रस्त भागांची पाहणी,तातडीने मदतकार्य सुरू करण्याचे आदेश आ.संग्राम जगताप..

 सीना नदीला महापूर:पूरग्रस्त भागांची पाहणी,तातडीने मदतकार्य सुरू करण्याचे आदेश आ.संग्राम जगताप.. डॉ.बाबासाहेब आंबेडकर चौक ते सीना नदीपर्यंत ...

 सीना नदीला महापूर:पूरग्रस्त भागांची पाहणी,तातडीने मदतकार्य सुरू करण्याचे आदेश आ.संग्राम जगताप..

डॉ.बाबासाहेब आंबेडकर चौक ते सीना नदीपर्यंत 900 एमएम व्यासाची गटार योजना लवकरच मार्गी लागेल-माजी सभापती कुमारसिंह वाकळे 

सचिन मोकळं अहिल्यानगर

(संपादक -:- हेमकांत गायकवाड)

अहिल्यानगर (दि.२८):-गेल्या दोन दिवसांपासून झालेल्या मुसळधार पावसामुळे सीना नदीला महापूर आला असून शहरातील अनेक भागात पाणी शिरल्याने नागरिकांचे हाल झाले आहेत.अनेक घरांमध्ये गुडघ्याएवढं पाणी साचून मोठे आर्थिक नुकसान झाले आहे.

पूरस्थितीची माहिती मिळताच स्थानिक लोकप्रतिनिधींनी घटनास्थळी धाव घेतली.पाहणी दरम्यान अहिल्यानगर महानगरपालिका  आयुक्त यशवंत डांगे व स्थायी समितीचे माजी सभापती कुमारसिंह वाकळे उपस्थित होते. गोरे वस्ती,डॉन बॉस्को,ठाणगे मळा,दातरंगे मळा,नेप्ती नाका व सावेडी परिसराची पाहणी करून नागरिकांना धीर दिला.तसेच महापालिका प्रशासनाला तातडीने मदतकार्य सुरू करण्याचे आदेश देण्यात आले.यावेळी सांगण्यात आले की,सीना नदीचे खोलीकरण व रुंदीकरणाचे काम सुरू झाले होते.मात्र काही धनदांडग्यांनी सर्वोच्च न्यायालयात याचिका दाखल करून कामावर स्थगिती मिळवली.आजच्या गंभीर परिस्थितीत महापालिकेने पूरस्थितीची सविस्तर माहिती सर्वोच्च न्यायालयात सादर करून नदीपात्रातील अतिक्रमणे हटविण्यासाठी प्रयत्न करावेत, अशी मागणी करण्यात आली.दरम्यान,प्रभाग क्रमांक ८ मधील गोरे वस्ती,गणेश चौक, पितळे कॉलनी व संभाजीनगर परिसरात मोठ्या प्रमाणावर घरात पाणी शिरले आहे.या समस्येवर कायमस्वरूपी तोडगा निघावा यासाठी डॉ. बाबासाहेब आंबेडकर चौक ते सीना नदीपर्यंत 900 एमएम व्यासाची गटार योजना लवकरच मार्गी लागेल,अशी माहिती माजी सभापती कुमारसिंह वाकळे यांनी दिली.पूरग्रस्त भागात तातडीने मदतकार्य सुरू करण्याबरोबरच कायमस्वरूपी उपाययोजना करण्याची मागणी नागरिकांनी केली आहे.