🏥🧑‍🍼सातपुड्यातील अति दुर्गम नीलपाणी या पाड्यावर समुदाय जनजागृती कार्यक्रम उत्साहात संपन्न

 🏥🧑‍🍼सातपुड्यातील अति दुर्गम नीलपाणी या पाड्यावर समुदाय जनजागृती कार्यक्रम उत्साहात संपन्न  अमळनेर प्रतिनिधी (संपादक -:- हेमकांत गायकवाड)...

 🏥🧑‍🍼सातपुड्यातील अति दुर्गम नीलपाणी या पाड्यावर समुदाय जनजागृती कार्यक्रम उत्साहात संपन्न 

अमळनेर प्रतिनिधी

(संपादक -:- हेमकांत गायकवाड)

     आज दि- 18/09/2025  रोजी नीलपाणी  या दुर्गम पाड्यावर अमळनेर येथील आधार बहुउद्देशीय संस्था व Jhpiego  या आंतरराष्ट्रीय सामाजिक संस्था यांच्या सुरू असलेल्या AMPLI-PPHI प्रोजेक्ट च्या (community awareness activitie) समुदाय जनजागृती कार्यक्रमातून     जनजागृती कार्यक्रम राबविण्यात आला.

यावेळी गावातील पटेल राण्या आट्या पावरा, आशा सेविका सरीता पावरा, गावातील दाई,सामाजिक कार्यकर्ते व महिला उपस्थित होते. तसेच जपायगो संस्थेचे आम्रपाली मॅडम, उज्वल भगत सर, उपस्थित होते.

   कार्यक्रमाची प्रास्ताविका तसेच सूत्रसंचालन ज्ञानेश्वर सोनवणे यांनी केले तद्नंतर टीम ने पथनाट्य सादर केले व  गावकऱ्यांना आपल्या भागातील प्राथमिक आरोग्य केंद्रांतर्गत मिळणाऱ्या सेवा तसेच योजना याबाबत लोकांना माहिती दिली व सुरक्षित बाळंतपणासाठी प्रसूतीपूर्व तसेच बाळंतपणा दरम्यान महिलेची ( ANC मातेची) घ्यावयाची काळजी व त्याबाबतचे उपयोजन याबद्दल  गावकर्‍यांना सविस्तर माहिती कार्यक्रमातून दिली यानंतर आशा सेविका यांनी गावातील लोकांना आपल्या भागातील आरोग्य केंद्रांतर्गत दिल्या जाणाऱ्या सुविधाची माहिती दिली व याविषयी विषयी सकारात्मक चर्चा करून लोकांचे प्रश्न सोडविले .

        आपल्या चोपडा तालुक्याचे आरोग्य दूत तालुका वैद्यकीय अधिकारी डॉ. प्रदीप लासुरकर सर व आधार संस्थेच्या अध्यक्षा डॉ. भारती पाटील तसेच Jhpiego च्या PO - आम्रपाली मुरार , दीपक संदनशिव सर , भगत सर  यांच्या मार्गदर्शनाखाली अशा प्रकारचे आरोग्य जनजागृती कार्यक्रम गाव पातळीवर,शाळांवर तसेच पाड्यांवर, वस्त्यांवर राबविले जात आहेत. शेवटी कार्यक्रमाचा समारोप शब्दसुमानाने सर्व गावकर्‍याचे आभार मानले यावेळी उपस्थित लेनिन महाजन, शिवा बरेला, निशांत कोळी, सागर पावरा, प्रिती बारेला इ. उपस्थीत होते. कार्यक्रमासाठी विशेष सहकार्य-शिवा बारेला