एन.डी.ए.चे स्वप्न साकार करण्यासाठी योग्य तयारी आवश्यक – नागराज पाटील

 एन.डी.ए.चे स्वप्न साकार करण्यासाठी योग्य तयारी आवश्यक – नागराज पाटील  धरणगाव प्रतिनिधी (संपादक -:- हेमकांत गायकवाड) धरणगाव : इंदिरा गांधी म...

 एन.डी.ए.चे स्वप्न साकार करण्यासाठी योग्य तयारी आवश्यक – नागराज पाटील 

धरणगाव प्रतिनिधी

(संपादक -:- हेमकांत गायकवाड)

धरणगाव : इंदिरा गांधी माध्यमिक विद्यालयात इयत्ता १० वी च्या विद्यार्थ्यांसाठी एन.डी.ए. प्रवेशाविषयी विशेष मार्गदर्शन कार्यक्रम घेण्यात आला. या कार्यक्रमासाठी विजय नाना आर्मी स्कूलचे ज्येष्ठ शिक्षक नागराज पाटील यांनी उपस्थित राहून विद्यार्थ्यांना मार्गदर्शन केले. या प्रसंगी त्यांनी विद्यार्थ्यांना एन.डी.ए. प्रवेश प्रक्रिया, अभ्यास पद्धती, शारीरिक तंदुरुस्तीचे महत्त्व तसेच शिस्त, चिकाटी आणि देशसेवेची जाणीव या बाबींवर सविस्तर मार्गदर्शन केले. “एन.डी.ए.चे स्वप्न साकार करण्यासाठी योग्य तयारी, दृढनिश्चय आणि सततची मेहनत आवश्यक आहे,” असे त्यांनी सांगितले. 

कार्यक्रमाला विद्यालयाच्या प्राचार्या सुरेखा पाटील, पर्यवेक्षक ए.एस. पाटील आणि संस्थेचे सचिव सी.के. पाटील प्रमुख उपस्थित होते. प्रास्ताविक ज्येष्ठ शिक्षक एस.पी. मनुरे यांनी केले. कार्यक्रमाचे सूत्रसंचालन उपशिक्षिका आरती जैन यांनी केले तर आभार प्रदर्शन उपशिक्षक शशिकांत पाटील यांनी मानले. या मार्गदर्शनामुळे विद्यार्थ्यांमध्ये देशसेवेची प्रेरणा व आत्मविश्वास जागृत झाला.