यावल येथे लोहपुरुष सरदार वल्लभभाई पटेल जयंती मोठ्या उत्साहात साजरी

  यावल येथे लोहपुरुष सरदार वल्लभभाई पटेल जयंती मोठ्या उत्साहात साजरी  भरत कोळी यावल ता. प्रतिनिधी (संपादक -:- हेमकांत गायकवाड) अखंड भारताचे ...

 यावल येथे लोहपुरुष सरदार वल्लभभाई पटेल जयंती मोठ्या उत्साहात साजरी 

भरत कोळी यावल ता. प्रतिनिधी

(संपादक -:- हेमकांत गायकवाड)

अखंड भारताचे शिल्पकार, भारताचे लोहपुरुष आणि भारतरत्न सरदार वल्लभभाई पटेल यांची १५० वी जयंती यावल येथील न्यू एकता चौकात मोठ्या उत्साहात साजरी करण्यात आली. कार्यक्रमाच्या प्रारंभी आमदार अमोल दादा जावळे, माजी आमदार शिरीष दादा चौधरी तसेच विविध मान्यवरांच्या हस्ते सरदार वल्लभभाई पटेल यांच्या प्रतिमेचे विधिवत पूजन करण्यात आले. त्यानंतर ढोल-ताशांच्या गजरात आणि डीजेच्या तालावर मिरवणुकीला सुरुवात झाली. 

जयंती निमित्ताने आर. के. फाउंडेशन (माजी प्रभारी नगराध्यक्ष राकेश कोलते यांच्या वतीने) यांच्या मार्फत एक रुग्णवाहिका व दोन शेवपेट्यांचे लोकार्पण आमदार अमोल दादा जावळे यांच्या हस्ते करण्यात आले. या सेवेमुळे यावल शहर व परिसरातील नागरिकांना मोठी मदत होणार आहे. मिरवणुकीदरम्यान रावेर येथील आखाडा कलावंतांनी विविध कसरती सादर करून उपस्थित नागरिकांची वाहवा मिळवली. यावेळी यावल पोलिसांचा चोख बंदोबस्त ठेवण्यात आला होता. शहरातील व तालुक्यातील विविध पक्षांचे मान्यवर, समाजबांधव व नागरिक मोठ्या संख्येने उपस्थित होते. कार्यक्रमाचे आयोजन अतिशय उत्साहात आणि शांततेत पार पडले.