गुटखा माफियांवर स्थानिक गुन्हे शाखेचा धडक छापा तब्बल ४ लाखांचा माल जप्त..!

 गुटखा माफियांवर स्थानिक गुन्हे शाखेचा धडक छापा तब्बल ४ लाखांचा माल जप्त..!  सचिन मोकळं अहिल्यानगर संपादक हेमकांत गायकवाड  अहिल्यानगर (दि.३१...

 गुटखा माफियांवर स्थानिक गुन्हे शाखेचा धडक छापा तब्बल ४ लाखांचा माल जप्त..! 

सचिन मोकळं अहिल्यानगर

संपादक हेमकांत गायकवाड 

अहिल्यानगर (दि.३१):- एमआयडीसी परिसरात स्थानिक गुन्हे शाखेच्या पथकाने केलेल्या धडक कारवाईतून प्रतिबंधित गुटखा आणि सुगंधीत तंबाखूचा मोठा साठा जप्त करण्यात आला आहे. या कारवाईत दोन आरोपींकडून तब्बल ₹4,05,585/- किमतीचा मुद्देमाल हस्तगत करण्यात आला असून,दोघां विरुद्ध एमआयडीसी पोलीस ठाण्यात गुन्हा दाखल करण्यात आला आहे.स्थानिक गुन्हे शाखेचे पोलीस निरीक्षक किरणकुमार कबाडी यांना मिळालेल्या गुप्त माहितीनुसार, बापु मच्छिंद्र कोतकर (रा. गजानन कॉलनी,नवनागापुर) हा निंबळक उड्डाणपुलाजवळील ‘रेणुका किराणा स्टोअर्स’ मध्ये गुटखा विक्री करत असल्याची खात्रीशीर माहिती मिळाली. त्यानुसार पोउपनि.अनंत सालगुडे यांच्या पथकाने छापा टाकला असता,दुकानाच्या पाठीमागील शेडमध्ये गुटख्याचे पॅकेट भरत असताना आरोपी कोतकर आढळला.त्याच्या कडून ₹1,93,585/- किमतीचा राजश्री,वी 1,विमल,जी 1,गोवा पान मसाला असा मुद्देमाल हस्तगत करण्यात आला.यानंतर मिळालेल्या माहितीच्या आधारे पथकाने माऊली उर्फ ज्ञानेश्वर रमेश गायकवाड (रा. हॉटेल हर्षदा,नगर-मनमाड रोड, विळद घाट) यांच्या शेडवर छापा टाकला. त्याठिकाणी ₹2,12,000/- किमतीचा गोवा, विमल,जी 1,वी 1 पानमसाला असा मोठा साठा जप्त करण्यात आला.दोन्ही आरोपीं विरुद्ध गुन्हा र. नं. 815/2025, भारतीय न्याय संहिता 2023 चे कलम 123, 223, 274, 275 व 3(5) प्रमाणे गुन्हा दाखल करण्यात आला असून पुढील तपास एमआयडीसी पोलीस करीत आहेत.ही कारवाई पोलीस अधीक्षक श्री.सोमनाथ घार्गे यांच्या मार्गदर्शनाखाली स्थानिक गुन्हे शाखेचे अधिकारी व अंमलदार पोउपनि.अनंत सालगुडे,पोलीस अंमलदार विष्णु भागवत,अतुल लोटके,राहुल द्वारके,भिमराज खर्से,भगवान थोरात,अर्जुन बडे यांनी केली.