प्रभाग क्रमांक 2 (अ) मधून अनुसूचित जमातीचे भाजप उमेदवार रुबाब तडवी व महिला प्रवर्गातून वंदना फेगडे प्रमुख दावेदार

प्रभाग क्रमांक 2 (अ) मधून अनुसूचित जमातीचे भाजप उमेदवार रुबाब तडवी व महिला प्रवर्गातून वंदना फेगडे प्रमुख दावेदार  भरत कोळी यावल ता. प्रतिनि...

प्रभाग क्रमांक 2 (अ) मधून अनुसूचित जमातीचे भाजप उमेदवार रुबाब तडवी व महिला प्रवर्गातून वंदना फेगडे प्रमुख दावेदार 

भरत कोळी यावल ता. प्रतिनिधी

(संपादक -:- हेमकांत गायकवाड)

यावल नगरपालिकेच्या सार्वत्रिक निवडणुकीत प्रभाग क्रमांक 2 (अ) — अनुसूचित जमाती राखीव तसेच सर्वसाधारण महिला प्रवर्गातून भारतीय जनता पार्टीचे अधिकृत उमेदवार रुबाब मोहम्मद तडवी आणि सौ. वंदना भूषण फेगडे हे सध्या प्रबळ दावेदार मानले जात असून त्यांना प्रभागातील मतदारांकडून उत्स्फूर्त पाठिंबा मिळत आहे.भाजप उमेदवार रुबाब तडवी हे सेवानिवृत्त ग्रामविकास अधिकारी असून यावल शहरात त्यांचा मोठा जनसंपर्क आहे. गंगानगर परिसरातील रहिवासी असलेल्या तडवी यांना हिंदू समाजासह विविध घटकांतून मोठा पाठिंबा लाभत आहे. शहरातील गणेशोत्सव, नवरात्रोत्सव तसेच सामाजिक उपक्रमांमध्ये त्यांची सतत सक्रिय उपस्थिती राहिली आहे. तडवी समाजातही त्यांचा मानाचा दर्जा मानला जातो. विशेष म्हणजे, याच प्रभागातील अपक्ष उमेदवार संतोष रामा ठाकूर यांनी रुबाब तडवी यांना अधिकृत पाठींबा जाहीर केल्याने त्यांचा विजयमार्ग अधिक सुकर झाल्याचे चित्र दिसत आहे.

महिला प्रवर्गातून भाजपच्या सौ. वंदना भूषण फेगडे या देखील प्रबळ दावेदार मानल्या जात असून त्यांच्या पती भूषण फेगडे हे दीर्घकाळापासून भारतीय जनता पार्टीमध्ये सक्रिय आहेत. आमदार अमोलदादा जावळे यांच्याशी त्यांचे घनिष्ठ संबंध असून त्यांच्या माध्यमातून अनेक नागरी समस्यांचे निराकरण करण्यात त्यांनी पुढाकार घेतला आहे. त्यामुळे प्रभागात त्यांचा विश्वासार्ह कार्यकर्ता म्हणून ठसा उमटला आहे. रुबाब तडवी व भूषण फेगडे हे दोघेही सामाजिक कार्यात सदैव अग्रस्थानी असून प्रभागातील रहिवाशांशी सातत्याने संपर्कात राहतात. त्यांच्या परिसरातील समस्यांवर मार्ग काढण्यासाठी ते कटिबद्ध असल्यामुळे मतदारांचा त्यांच्यावर विश्वास वाढत आहे. विरार नगर, गणेश कॉलनी, तडवी कॉलनी, हरिओम नगर, आयशा नगर, पांडुरंग सराफ नगर, गंगानगर व अन्य वसाहतींमध्ये त्यांचा दांडगा जनसंपर्क असल्याने सौ. वंदना फेगडे व रुबाब तडवी यांचा विजय ‘निश्चित’ मानला जात असल्याचे राजकीय वर्तुळात बोलले जात आहे.