adds

Page Nav

HIDE

Subscribe Us

latest

Advertisment

घटस्फोटाच्या नोटीसमुळे मायलेकींचे ‘फिल्मी स्टाईल’ अपहरण! एलसीबीच्या तपासाने मायलेकींची सुटका दोघे जेरबंद..!

 घटस्फोटाच्या नोटीसमुळे मायलेकींचे ‘फिल्मी स्टाईल’ अपहरण! एलसीबीच्या तपासाने मायलेकींची सुटका दोघे जेरबंद..!  सचिन मोकळं अहिल्यानगर (संपादक ...

 घटस्फोटाच्या नोटीसमुळे मायलेकींचे ‘फिल्मी स्टाईल’ अपहरण! एलसीबीच्या तपासाने मायलेकींची सुटका दोघे जेरबंद..! 


सचिन मोकळं अहिल्यानगर

(संपादक -:- हेमकांत गायकवाड)

अहिल्यानगर (दि.२९):-दरेवाडी गावातून विना नंबरच्या पांढऱ्या मारुती सुझुकी बलेनो कारमधून दोन महिलांचे अपहरण झाल्याच्या धक्कादायक प्रकरणाचा स्थानिक गुन्हे शाखेने अवघ्या दोन तासांत पर्दाफाश करून दोन्ही आरोपींना जेरबंद केले.पोलिसांच्या या धडाकेबाज कारवाईचे सर्वत्र कौतुक होत आहे.दि.28 नोव्हेंबर रोजी पोलीस नियंत्रण कक्षाला माहिती मिळाली की,दरेवाडी गावातून दोन महिलांचे अपहरण करण्यात आले आहे.ही माहिती मिळताच स्थानिक गुन्हे शाखेचे पोलीस निरीक्षक किरणकुमार कबाडी यांनी त्वरीत पथक तयार करून शोधमोहीम सुरू केली.पोलीस उपनिरीक्षक अनंत सालगुडे यांच्या नेतृत्वाखालील पथकाने दरेवाडी,चास शिवार भागात गाडीचा शोध सुरू केला.

दरम्यान,चास पोलिस चौकीजवळ एक संशयित पुरुष आणि महिला फिरताना दिसले.पथक त्यांच्याकडे जाताच ते दोघे पळाले मात्र पोलिसांनी शिताफीने पाठलाग करून त्यांना ताब्यात घेतले.त्यांची चौकशी केली असता त्यांनी आपली नावे  रोहन बाबासाहेब पवार (25, रा. सारोळाबध्दी),सिमा अंबर पवार (42,रा. एकविरा चौक)

अशी सांगितली.सखोल चौकशी दरम्यान दोघांनीही अपहरित महिलांना अरणगाव बायपासजवळील मेहेरबाबा ट्रस्टच्या जंगलात सोडल्याची कबुली दिली.पथकाने तात्काळ ताब्यातील दोघांसह जंगलात शोध घेतला असता दोन्ही अपहरित महिला सुरक्षित अवस्थेत मिळून आल्या.चौकशीत उघड झाले की, अदिती ढेपे हिने तिचा पती ऋषिकेश दिलीप मोरे यांना घटस्फोटाची नोटीस पाठवली होती.याच कारणावरून संशयितांनी या दोघींचे अपहरण करून गळा दाबून जिवे मारण्याचा प्रयत्न केला असल्याची माहिती पीडितांनी पोलिसांना दिली.दोघांविरुद्ध अदिती ढेपे यांनी दिलेल्या तक्रारीवरून भिंगार कॅम्प पोलीस ठाण्यात गुन्हा नोंद करण्यात आला आहे.

ही कारवाई पोलीस अधीक्षक सोमनाथ घार्गे यांच्या मार्गदर्शनाखाली स्थानिक गुन्हे शाखेचे पोलीस निरीक्षक किरण कुमार कबाडी,पोलीस उपनिरीक्षक अनंत सालगुडे, पोलीस अमलदार रमेश गांगर्डे, फुरकान शेख,गणेश लबडे, श्यामसुंदर जाधव,भाऊसाहेब काळे,अमोल कोतकर,रोहित येमुल,महादेव भांड,महिला पोलीस अंमलदार वंदना मोढवे,भाग्यश्री भिटे,चिमा काळे यांनी केली आहे.

No comments