अहिल्यानगर हादरलं.. आठ महिन्याच्या चिमुकल्याचा मृत्यू.. आईकडूनच विहिरीत फेकल्याची धक्कादायक कबुली

 अहिल्यानगर हादरलं.. आठ महिन्याच्या चिमुकल्याचा मृत्यू.. आईकडूनच विहिरीत फेकल्याची धक्कादायक कबुली  सचिन मोकळं अहिल्यानगर (संपादक -:- हेमकां...

 अहिल्यानगर हादरलं.. आठ महिन्याच्या चिमुकल्याचा मृत्यू.. आईकडूनच विहिरीत फेकल्याची धक्कादायक कबुली 

सचिन मोकळं अहिल्यानगर

(संपादक -:- हेमकांत गायकवाड)

अहिल्यानगर (दि.२९):- श्रीगोंदा तालुक्यात बेलवंडी पोलीस स्टेशन हद्दीत घडलेल्या 8 महिन्यांच्या बालकाच्या संशयास्पद मृत्यूची घटना हृदय पिळवटून टाकणारी ठरली आहे.कोळगाव (ता. श्रीगोंदा) येथील शेतातील विहिरीत अवघ्या 8 महिन्याचा कार्तिक योगेश दळवी हा मुलगा मृतावस्थेत आढळून आला. प्रारंभी घटना घातपाताची असल्याची शक्यता वर्तवण्यात आली होती.परंतु बेलवंडी पोलिसांनी अवघ्या एक तासात गुन्ह्याचा पर्दाफाश करत आई सोनाली दळवी हिनेच रागाच्या भरात मुलास विहिरीत टाकल्याची धक्कादायक कबुली उघडकीस आणली आहे.दि.27 नोव्हेंबर रोजी दुपारी 12 वाजण्याच्या सुमारास पोलिसांना नहेरमळा, कोळगाव शिवारातील विहिरीत लहान मुलाचे शव तरंगत असल्याची माहिती मिळाली.सहाय्यक पोलीस निरीक्षक नंदकुमार सोनवलकर यांच्या पथकाने तात्काळ घटनास्थळी धाव घेतली. स्थानिकांच्या मदतीने कार्तिकला बाहेर काढण्यात आले.या घटनेची माहिती नातेवाईक अशोक दळवी यांनी दिल्यानंतर प्रारंभी भा.ना.सु.सं कलम 194 नुसार अकस्मात मृत्यूची नोंद करण्यात आली.परंतु बालकाच्या मृत्यूचा प्रकार संशयास्पद वाटल्याने कार्तिकची आई,चुलता आणि चुलतीची कसून चौकशी करण्यात आली.मात्र सर्वजण उडवा उडवीची उत्तरे देत असल्याने पोलिसांचा संशय गडद झाला. सातत्याने विचारपूस केल्यानंतर आई सोनाली दळवी शेवटी कोसळली आणि तिनेच सत्य कबूल केले.सोनाली दळवीने कबूल केले की,सकाळी देवपूजा सुरू असताना घरात इतर कोणी नसल्याचा फायदा घेत तिने झोळीत झोपलेल्या कार्तिकला बाहेर काढून ब्लॅंकेट मध्ये गुंडाळले आणि घराजवळील विहिरीत टाकून दिले.तिच्या पतीनेही सांगितले की ती किरकोळ कारणांवरून चिडचिड करत असे आणि मानसिक तणावात होती.यावरून आरोपी आईवर भा.दं.वि. कलम 103(1) नुसार गुन्हा दाखल करून अटक करण्यात आली.घटनानंतर अवघ्या एका तासाच्या आत गुन्ह्याचा उलगडा करण्यात बेलवंडी पोलिसांना मोठे यश मिळाले.सदरची कारवाई जिल्हा पोलीस अधीक्षक श्री.सोमनाथ घार्गे,अपर पोलीस अधीक्षक श्री. वैभव कलुबर्मे,उपविभागीय पोलीस अधिकारी, कर्जत श्री. प्रविणचंद्र लोखंडे यांच्या मार्गदर्शनाखाली सहाय्यक पोलीस निरीक्षक नंदकुमार सोनवलकर,पोलीस उपनिरीक्षक पवार,हवालदार भाउसाहेब यमगर,रवींद्र औटी,पोकॉ.कैलास शिपनकर,पोकॉ.दादासाहेब क्षिरसागर,विनोद पवार,मपोना. सुरेखा वलवे,मपोना.अविंदा जाधव,चालक हवालदार भाऊसाहेब शिंदे यांनी केली आहे.सदर गुन्ह्याचा पुढील तपास सहाय्यक पोलीस निरीक्षक नंदकुमार सोनवलकर करत आहेत.