कोतवाली पोलिसांचा मोठा पर्दाफाश! मोटारसायकल चोरणाऱ्या दोघा सराईतांना अटक..

 कोतवाली पोलिसांचा मोठा पर्दाफाश! मोटारसायकल चोरणाऱ्या दोघा सराईतांना अटक.. तब्बल 06 लाख 25 हजारांचा 24 मोटारींचा मुद्देमाल हस्तगत..!   सचिन...

 कोतवाली पोलिसांचा मोठा पर्दाफाश! मोटारसायकल चोरणाऱ्या दोघा सराईतांना अटक..

तब्बल 06 लाख 25 हजारांचा 24 मोटारींचा मुद्देमाल हस्तगत..!  

सचिन मोकळं अहिल्यानगर

(संपादक -:- हेमकांत गायकवाड)

अहिल्यानगर (दि.२९):-शहरातील मोटारसायकल चोरीच्या वाढत्या घटनांना आळा बसावा यासाठी कोतवाली पोलिसांनी राबवलेल्या विशेष मोहिमेत मोठे यश मिळाले आहे.शहरातून सराईतपणे मोटारसायकली चोरणाऱ्या दोन  आरोपींना अटक करण्यात आली असून त्यांच्या कब्जातून तब्बल 06 लाख 25 हजार रुपये किमतीच्या 24 मोटारसायकली हस्तगत करण्यात पोलिसांना यश आले आहे.दि.28 नोव्हेंबर 2025 रोजी सकाळी कोतवाली पोलीस ठाण्याचे पोलीस निरीक्षक श्री. संभाजी गायकवाड यांच्या मार्गदर्शनाखाली पोलीस उपनिरीक्षक गणेश देशमुख यांना मिळालेल्या गोपनीय माहितीच्या आधारे ही कारवाई करण्यात आली.दोन्ही आरोपींनी शहरातील तसेच तालुक्यातून विविध भागातून मोटारसायकली चोरून वेगवेगळ्या तालुक्यात विक्रीस ठेवल्याचे तपासात समोर आले. पोलिसांनी जलदगतीने केलेल्या चौकशी दरम्यान दोघांनी चोरलेल्या वाहनांची कबुली दिली. त्यानंतर पोलिसांनी विविध ठिकाणी शोधमोहीम राबवून 24 मोटारसायकली जप्त केल्या.जप्त वाहनांमध्ये होंडा,हिरो,पॅशन प्रो, स्प्लेंडर, दुचाकी स्कुटर यांचा समावेश असून प्रत्येक वाहनाची नंबर, चेसिस आणि इंजिन नंबरच्या आधारे पडताळणी करण्यात आली आहे. अनेक मोटारसायकलींच्या चोरीचे गुन्हे संबंधित पोलिस ठाण्यांमध्ये दाखल आहेत. आसिफ इकबाल सय्यद (राहणार रंगार गल्ली अहिल्यानगर),आझाद उर्फ आज्या हरून शेख (राहणार आलमगीर अहिल्यानगर) अशी अटक केलेल्या संशयित आरोपींची नावे आहेत.सदरची कारवाई ही पोलीस अधिक्षक श्री. सोमनाथ धार्गे,अपर पोलीस अधिक्षक श्री.वैभव कलूबरमे,उपविभागीय पोलीस अधिकारी श्री.डॉ.दिलीप टिपरसे यांचे मार्गदर्शनाखाली पोलीस निरीक्षक श्री.संभाजी गायकवाड, पोसई/गणेश देशमुख,पोहेकॉ/ बाळकृष्ण दौंड,वसिम पठाण, शाबीर शेख,विशाल दळवी,विनोद बोरगे,पोना/वाघचौरे,दिपक रोहकले,सत्यम शिंदे,शिरीष तरटे, दत्तात्रय कोतकर,अभय कदम, सुरज कदम,अमोल गाढे,अतुल काजळे,सचिन लोळगे,राम हंडाळ,अतुल शेंडे,अतुल लाटे,गुलाब शेख,महेश पवार मपोहेकॉ दरंदले,मपोहेकों/ तोरडमल,मपोना. पंडीत,दक्षीण मोबाईल सेलचे पोकों/राहुल गुंडू यांच्या पथकाने केली आहे.