🐟पश्चिम बंगालहून पुण्याकडे जाणारा प्रतिबंधित ‘मांगुर मासा’ स्थानिक गुन्हे शाखेच्या जाळ्यात

 🐟पश्चिम बंगालहून पुण्याकडे जाणारा प्रतिबंधित ‘मांगुर मासा’ स्थानिक गुन्हे शाखेच्या जाळ्यात  सचिन मोकळं अहिल्यानगर (संपादक -:- हेमकांत गायक...

 🐟पश्चिम बंगालहून पुण्याकडे जाणारा प्रतिबंधित ‘मांगुर मासा’ स्थानिक गुन्हे शाखेच्या जाळ्यात 

सचिन मोकळं अहिल्यानगर

(संपादक -:- हेमकांत गायकवाड)

अहिल्यानगर (दि.४):-स्थानिक गुन्हे शाखेच्या पथकाने घारगांव पोलीस ठाणे हद्दीत मोठी कारवाई करत केंद्र सरकारने प्रतिबंधीत केलेल्या ४,५०० किलो मांगुर माशांची जप्ती केली आहे.या कारवाईत एकूण १४ लाख ५० हजार रुपयांचा मुद्देमाल ताब्यात घेण्यात आला आहे.जिल्हा पोलीस अधीक्षक सोमनाथ घार्गे यांच्या आदेशानुसार स्थानिक गुन्हे शाखेचे पोलीस निरीक्षक किरणकुमार कबाडी यांच्या मार्गदर्शनाखाली स्थानिक गुन्हे शाखेचे पथक संगमनेर तालुक्यात अवैध धंद्यांवर कारवाई करत असताना,गुप्त माहितीच्या आधारे ट्रक क्रमांक WB25M5048 अडवण्यात आला.या ट्रकमध्ये केंद्र सरकारने बंदी घातलेले मांगुर मासे भरलेले आढळले.पोलिसांनी घारगांव पोलीस स्टेशनचे प्रभारी अधिकारी हेमंत थोरात व त्यांच्या सहकाऱ्यांसह नांदुरखंदरमाळ शिवारात सापळा रचून ट्रक ताब्यात घेतला.तपासात ट्रकमधील मासे पश्चिम बंगालमधून पुण्याकडे नेले जात असल्याचे समोर आले.

ताब्यात घेतलेले चालक व सहकारी —

1️⃣ सुकुमार दुलाल घोष (47)

2️⃣ तारक दिलीप सरकार (27)

3️⃣ सद्दाम रजरुल सरदार (33)

4️⃣ अझरुल आयजुल मंडल (36) — सर्वजण नॉर्थ 24 परगना, पश्चिम बंगाल येथील रहिवासी आहेत.

या मागील सूत्रधाराची ओळख मोंन्टु मंडल (रा. मोगरा, जि. बाशिरहट, पश्चिम बंगाल) अशी समोर आली असून हे मासे गणेश गायकवाड (रा.पुणे) याच्याकडे पोहोचवायचे होते,अशी माहिती आरोपींनी दिली.

मत्स विकास अधिकारी सौ. प्रतिक्षा पाटेकर व श्री. दत्तात्रय मिसाळ यांनी घटनास्थळी येऊन तपासणी केली असता,ट्रकमध्ये आढळलेले मासे प्रतिबंधीत मांगुर असल्याचे त्यांनी प्रमाणित केले. त्यानंतर ४.५० लाख रुपये किमतीचे मासे व १० लाख रुपये किमतीचा ट्रक असा एकूण १४.५० लाखांचा मुद्देमाल जप्त करण्यात आला.प्रतिबंधीत मासे कायदेशीर प्रक्रियेनंतर नष्ट करण्यात आले.या प्रकरणी मत्स विकास अधिकारी सौ. प्रतिक्षा पाटेकर यांच्या फिर्यादीवरून घारगांव पोलीस ठाणे गु.र.नं. 320/2025, कलम 223, 275, 3(5) भारतीय न्याय संहिता 2023 प्रमाणे गुन्हा दाखल करण्यात आला असून पुढील तपास घारगांव पोलीस ठाणे करीत आहे.सदर कारवाई पोलीस अधीक्षक सोमनाथ घार्गे यांच्या सूचनांनुसार स्थानिक गुन्हे शाखेचे पोउपनि दिपक मेढे,पोलीस अंमलदार संतोष खैरे,गणेश लोंढे, भिमराज खर्से,बाळासाहेब गुंजाळ,अमृत आढाव,आकाश काळे,भगवान धुळे,अर्जुन बडे व घारगांव पोलिसांनी संयुक्तपणे केली.