इंदिरा गांधी विद्यालयात डॉ. बाबासाहेब आंबेडकर महापरिनिर्वाण दिन साजरा — आदर, विचार आणि प्रेरणेचा संस्कार

 इंदिरा गांधी विद्यालयात डॉ. बाबासाहेब आंबेडकर महापरिनिर्वाण दिन साजरा — आदर, विचार आणि प्रेरणेचा संस्कार   धरणगाव प्रतिनिधी (संपादक -:- हेम...

 इंदिरा गांधी विद्यालयात डॉ. बाबासाहेब आंबेडकर महापरिनिर्वाण दिन साजरा — आदर, विचार आणि प्रेरणेचा संस्कार  

धरणगाव प्रतिनिधी

(संपादक -:- हेमकांत गायकवाड) 

धरणगाव : इंदिरा गांधी माध्यमिक व कनिष्ठ महाविद्यालयात भारताच्या संविधान निर्माता, मानवतावादी विचारवंत, भारतरत्न डॉ. बाबासाहेब आंबेडकर यांच्या महापरिनिर्वाण दिनानिमित्त अभिवादन सोहळा अत्यंत श्रद्धा, भावना व सामाजिक बांधिलकीने पार पडला. कार्यक्रमाची सुरुवात आदर्श माध्यमिक व उच्च माध्यमिक विद्यालयाचे प्राचार्य मा. संदीपकुमार सोनवणे  आणि इंदिरा गांधी माध्यमिक विद्यालयाचे पर्यवेक्षक मा. ए. एस. पाटील  यांच्या शुभहस्ते प्रतिमापूजनाने झाली. उपस्थितांनी “जय भीम”च्या घोषणांनी परिसर निनादला. त्यानंतर जेष्ठ शिक्षक किरण चव्हाण यांनी बाबासाहेबांचा कर्तृत्वशील जीवनप्रवास, त्यांच्या संघर्षाची प्रेरणा आणि समाज बदलण्याची अद्वितीय कार्यशैली प्रभावीपणे उलगडून दाखवली. विद्यार्थ्यांनी अतिशय एकाग्रतेने हे मार्गदर्शन ऐकून ज्ञानमूल्यांचा उजळा घेतला.

कार्यक्रमाचे प्रस्ताविक जेष्ठ शिक्षिका  भारती पाटील  यांनी मनोगतपूर्ण शब्दांत सादर केले, तर आभारप्रदर्शन क्रिडा शिक्षक फिलिप गावीत  यांनी केले. संस्थेचे चेअरमन मा. सी. के. पाटील  आणि प्राचार्या  सुरेखा पाटील  यांनी बाबासाहेबांच्या स्मृतीला विनम्र अभिवादन करत विद्यार्थ्यांना संविधानिक मूल्यांची कदर करण्याचे आवाहन केले. कार्यक्रम यशस्वी करण्यासाठी विद्यालयातील सर्व शिक्षक व शिक्षकेतर कर्मचारी यांनी उत्साहाने परिश्रम घेतले. महापरिनिर्वाण दिनाचे औचित्य साधत हा कार्यक्रम विद्यार्थ्यांमध्ये समतेचे, ज्ञानाचे आणि जागृतीचे मूल्य रुजवणारा ठरला.