बेथलं स्कूलमध्ये वार्षिक समारोह व ख्रिसमस उत्साहात साजरा

 बेथलं स्कूलमध्ये वार्षिक समारोह व ख्रिसमस उत्साहात साजरा  भरत कोळी यावल ता.प्रतिनिधी (संपादक -:- हेमकांत गायकवाड) आज दिनांक २३ डिसेंबर रोजी...

 बेथलं स्कूलमध्ये वार्षिक समारोह व ख्रिसमस उत्साहात साजरा 

भरत कोळी यावल ता.प्रतिनिधी

(संपादक -:- हेमकांत गायकवाड)

आज दिनांक २३ डिसेंबर रोजी बेथलं स्कूल येथे वार्षिक समारोह दिन व ख्रिसमस सण मोठ्या उत्साहात साजरा करण्यात आला. या प्रसंगी सिनियर के.जी. व जुनिअर के.जी. च्या चिमुकल्या विद्यार्थ्यांनी सादर केलेल्या शानदार नृत्याविष्काराने उपस्थितांची मने जिंकली. यावेळी प्रभू येशू ख्रिस्त यांच्या जीवनावर आधारित नाट्यप्रयोग सादर करण्यात आला. प्रभू येशू यांच्या जन्माशी संबंधित देखावे व आकर्षक सजावटीने संपूर्ण परिसर भक्तिमय वातावरणात न्हाऊन निघाला. मंडप उभारून शाळेला बेथलेहेम नगरीच्या धर्तीवर भव्य व सुंदर सजावट करण्यात आली होती.

कार्यक्रमावेळी विद्यार्थ्यांच्या पालकांनी आपल्या भावना व्यक्त करत बेथलं स्कूल व येथील शिक्षकवर्गाच्या कार्याचे मनापासून कौतुक केले. शाळेतील शैक्षणिक गुणवत्ता, संस्कार व विद्यार्थ्यांच्या सर्वांगीण विकासाबाबत समाधान व्यक्त करण्यात आले. या कार्यक्रमाच्या अध्यक्षस्थानी नगरसेविका सौ. वर्षा आकाश चोपडे उपस्थित होत्या. तसेच सौ. पूजा जयंत चोपडे, शारदा महाजन, योगेश चौधरी तसेच अनेक विद्यार्थी व पालक मोठ्या संख्येने उपस्थित होते. हा कार्यक्रम यशस्वी करण्यासाठी मिस एनी मॅथ्यू, मॅडम जस्टिना मॅथ्यू, मॅडम सुजन मॅथ्यू, मॅडम रंजना चौधरी, मॅडम दिव्या पंडित, मॅडम निशा राणे व मॅडम नितू सोनावणे आदी शिक्षकांनी विशेष परिश्रम घेतले.