🇮🇳 प्रजासत्ताक हा सण नाही, ती एक जबाबदारी आहे. 🇮🇳 २६ जानेवारी — भारताच्या इतिहासातील सुवर्णाक्षरांनी लिहिलेला दिवस.

 🇮🇳 प्रजासत्ताक हा सण नाही, ती एक जबाबदारी आहे. 🇮🇳 २६ जानेवारी — भारताच्या इतिहासातील सुवर्णाक्षरांनी लिहिलेला दिवस.  या दिवशी भारताने ...

 🇮🇳 प्रजासत्ताक हा सण नाही, ती एक जबाबदारी आहे. 🇮🇳

२६ जानेवारी — भारताच्या इतिहासातील सुवर्णाक्षरांनी लिहिलेला दिवस. 

या दिवशी भारताने स्वतःचे संविधान स्वीकारून खऱ्या अर्थाने लोकशाहीचा श्वास घेतला. राजेशाही, ब्रिटिश सत्तेचा अंमल झुगारून “सत्ता जनतेची आहे” हे जगाला सांगणारा हा दिवस. पण आज प्रश्न उभा राहतो — आपण फक्त प्रजासत्ताक दिन साजरा करतो की प्रत्यक्षात प्रजासत्ताक जगतो? संविधानाने प्रत्येक नागरिकाला स्वातंत्र्य, समता, बंधुता आणि न्याय दिला. मात्र वास्तव पाहिलं तर न्यायासाठी वर्षानुवर्षे लढणारी जनता, काही अपवादात्मक परीस्थीती वगळता सत्तेसमोर नतमस्तक यंत्रणा, आणि सामान्य माणसासाठी ‘कागदावरचे हक्क’ हे चित्र वारंवार समोर येते. आज संविधानाचा उल्लेख भाषणात होतो, पण अंमलबजावणी मात्र निवडक लोकांसाठीच का?लोकशाहीचा चौथा स्तंभ असलेली प्रसारमाध्यमे कधी प्रश्न विचारतात, तर कधी मौन बाळगतात. स्थानिक स्वराज्य संस्था असोत वा प्रशासन — “जनतेसाठी सत्ता” ऐवजी “सत्तेसाठी जनता” अशी उलटी व्यवस्था तयार होताना दिसते. प्रजासत्ताक म्हणजे फक्त ध्वजारोहण, परेड, आणि सेल्फी नाही. प्रजासत्ताक म्हणजे प्रशासनावर नागरिकांचा अंकुश, भ्रष्टाचाराविरुद्ध निर्भीड आवाज, आणि अन्यायाविरुद्ध उभा राहण्याचे धाडस. डॉ. बाबासाहेब आंबेडकरांनी स्पष्ट इशारा दिला होता — “संविधान कितीही चांगले असले, ते राबवणारे लोक चांगले नसतील तर लोकशाही अपयशी ठरेल.”आज त्या शब्दांचा अर्थ प्रशासनात ठळकपणे जाणवतो. प्रजासत्ताक दिन हा फक्त सुट्टीचा दिवस न राहता स्वतःला प्रश्न विचारण्याचा दिवस ठरला पाहिजे.

➡️ आपण आपल्या हक्कांबाबत जागरूक आहोत का?

➡️ अन्याय पाहून गप्प बसतो की आवाज उठवतो?

➡️ संविधान वाचले आहे का, की फक्त नाव ऐकले आहे?

लोकशाही टिकवायची असेल तर ती रोज जगावी लागते —मतदानात, प्रश्न विचारण्यात, आणि चुकीच्या गोष्टींना नकार देण्यात. या प्रजासत्ताक दिनी फक्त “जय हिंद” म्हणण्या बरोबरच

“संविधान जपण्याची शपथ” घेऊया.

प्रजासत्ताक दिनाच्या सर्व भारतीयांना हार्दिक शुभेच्छा!!

जय संविधान । जय भारत ।