स्मारकाबाबत चाकूरकर परिवारांच्या सूचनांचा सन्मान करणार; काँग्रेस पक्षाने जाहीर केली भूमिका.

 स्मारकाबाबत चाकूरकर परिवारांच्या सूचनांचा सन्मान करणार; काँग्रेस पक्षाने जाहीर केली भूमिका.     लातूर, जि. प्र. (उत्तम माने ) (संपादक -:-;ह...

 स्मारकाबाबत चाकूरकर परिवारांच्या सूचनांचा सन्मान करणार; काँग्रेस पक्षाने जाहीर केली भूमिका.

    लातूर, जि. प्र. (उत्तम माने )

(संपादक -:-;हेमकांत गायकवाड)

लातूर  : देशाचे माजी केंद्रीय गृहमंत्री शिवराज पाटील चाकूरकर यांच्या भव्य स्मारकाबाबत काँग्रेस पक्ष चाकूरकर परिवाराच्या सूचनांचा करणार सन्मान करेल, अशी भूमिका काँग्रेस पक्षाने जाहीर केली आहे.

महाराष्ट्र राज्याचे माजी मंत्री आमदार अमित विलासराव देशमुख यांच्या सूचनेनुसार, बुधवारी देशाचे माजी गृहमंत्री शिवराज पाटील चाकूरकर (Latur Chakurkar Memorial) यांच्या पुतळ्याच्या संदर्भाने लातूरच्या महापौर जयश्रीताई सोनकांबळे, उपमहापौर ॲड. स्नेहल उटगे, सभागृह नेते विजयकुमार साबदे, स्थायी समिती सभापती सचिन बंडापल्ले, लातूर शहर जिल्हा काँग्रेस कमिटीचे अध्यक्ष प्रा. डॉ. शिवाजी जवळगेकर सर व माजी अध्यक्ष तथा स्वीकृत नगरसेवक ॲड. किरण जाधव यांनी बुधवारी 'देवघर' या निवासस्थानी शैलेश पाटील चाकूरकर यांची भेट घेऊन सविस्तर चर्चा केली. चाकूरकर परिवारांच्या दिशानिर्देशांचे पालन लातूर शहर महानगरपालिका करेल, असे महापौर जयश्रीताई सोनकांबळे यांनी यावेळी शैलेश पाटील चाकूरकरांना आश्वस्त केले. त्यानंतर काँग्रेसने एक प्रसिद्ध पत्रक जारी केले असून येत्या चार दिवसांमध्ये परिवारांच्या सर्व सदस्यांशी चर्चा करून याबाबत अंतिम निर्णय घेण्यात येणार आहे, असे त्यात म्हटले आहे.