डॉ. चंद्रकांत बारेला यांची राष्ट्रवादी काँग्रेस पार्टी – शरदचंद्र पवार पक्षाच्या महाराष्ट्र प्रदेश प्रवक्तेपदी नियुक्ती

 डॉ. चंद्रकांत बारेला यांची राष्ट्रवादी काँग्रेस पार्टी – शरदचंद्र पवार पक्षाच्या महाराष्ट्र प्रदेश प्रवक्तेपदी नियुक्ती    चोपडा प्रतिनिधी ...

 डॉ. चंद्रकांत बारेला यांची राष्ट्रवादी काँग्रेस पार्टी – शरदचंद्र पवार पक्षाच्या महाराष्ट्र प्रदेश प्रवक्तेपदी नियुक्ती  

 चोपडा प्रतिनिधी

(संपादक -:- हेमकांत गायकवाड)

राष्ट्रवादी काँग्रेस पार्टी – शरदचंद्र पवार पक्षाच्या महाराष्ट्र प्रदेश प्रवक्तेपदी डॉ. चंद्रकांत बारेला यांची नियुक्ती करण्यात आली आहे. पक्षाच्या राज्यस्तरीय प्रवक्त्यांच्या नव्या यादीत त्यांचा समावेश करण्यात आला असून, पक्षाची भूमिका माध्यमांसमोर मांडण्याची महत्त्वाची जबाबदारी त्यांच्यावर सोपविण्यात आली आहे.

डॉ. चंद्रकांत बारेला हे पक्षाच्या आदिवासी सेलचे कार्याध्यक्ष म्हणून कार्यरत असून, आदिवासी समाज, ग्रामीण भागातील नागरिक, युवक तसेच वंचित घटकांच्या विविध प्रश्नांवर ते सातत्याने काम करत आहेत.

वैद्यकीय क्षेत्रातील पार्श्वभूमीसोबतच सामाजिक आणि राजकीय क्षेत्रात सक्रिय असलेल्या डॉ. बारेला यांनी जनतेच्या प्रश्नांना सातत्याने आवाज देण्याचे काम केले आहे. त्यांच्या सामाजिक कार्याचा आणि संघटनात्मक अनुभवाचा पक्षाच्या राज्यस्तरीय मीडिया आणि जनसंपर्काच्या कामात निश्चितच उपयोग होईल.

प्रवक्तेपदाची जबाबदारी स्वीकारताना डॉ. चंद्रकांत बारेला म्हणाले,

“पक्षाने माझ्यावर सोपवलेली ही जबाबदारी माझ्यासाठी पद नसून जनतेचा आवाज अधिक व्यापक पातळीवर मांडण्याची संधी आहे. राष्ट्रवादी काँग्रेस पार्टी – शरदचंद्र पवार पक्षाची विचारधारा, भूमिका आणि जनतेशी संबंधित प्रश्न राज्याच्या प्रत्येक व्यासपीठावर ठामपणे मांडण्यासाठी मी प्रामाणिकपणे काम करेन. विशेषतः आदिवासी, शेतकरी, युवक, महिला आणि वंचित घटकांच्या प्रश्नांना योग्य व्यासपीठ मिळवून देण्यासाठी माझे प्रयत्न राहतील.”

महाराष्ट्रातील सामाजिक न्याय, संविधानिक मूल्ये, लोकशाही, युवकांचे प्रश्न, रोजगार, शिक्षण, आरोग्य, शेतकरी आणि आदिवासी समाजाच्या प्रश्नांवर पक्षाची भूमिका प्रभावीपणे जनतेपर्यंत पोहोचविण्यासाठी आपण कटिबद्ध असल्याचेही डॉ. बारेला यांनी सांगितले.

डॉ. चंद्रकांत बारेला यांच्या नियुक्तीबद्दल पक्षातील पदाधिकारी, कार्यकर्ते तसेच विविध सामाजिक क्षेत्रातून त्यांचे अभिनंदन करण्यात येत असून, त्यांच्या पुढील राजकीय आणि सामाजिक वाटचालीस शुभेच्छा व्यक्त करण्यात येत आहेत.