अनवर्दे खुर्द येथे कानबाई मातेचा उत्सव उत्साहात; भव्य मिरवणुकीने गाव दुमदुमले ग्रामस्थ व पंचक्रोशीतील भाविकांच्या उत्स्फूर्त सहभागात भक्तिमय वातावरणात सोहळा संपन्न

  अनवर्दे खुर्द येथे कानबाई मातेचा उत्सव उत्साहात; भव्य मिरवणुकीने गाव दुमदुमले ग्रामस्थ व पंचक्रोशीतील भाविकांच्या उत्स्फूर्त सहभागात भक्त...

 अनवर्दे खुर्द येथे कानबाई मातेचा उत्सव उत्साहात; भव्य मिरवणुकीने गाव दुमदुमले

ग्रामस्थ व पंचक्रोशीतील भाविकांच्या उत्स्फूर्त सहभागात भक्तिमय वातावरणात सोहळा संपन्न 

चंद्रकांत पाटील, विचखेडा

(संपादक : हेमकांत गायकवाड)

अनवर्दे खुर्द येथे दि. २४ ऑगस्ट २०२६ रोजी श्री कानबाई मातेचा पारंपरिक धार्मिक उत्सव मोठ्या उत्साहात, आनंदात आणि शांततापूर्ण वातावरणात भक्तिभावाने संपन्न झाला. ग्रामस्थ तसेच पंचक्रोशीतील भाविकांच्या उत्स्फूर्त सहभागामुळे संपूर्ण गावात दिवसभर भक्तिमय वातावरण निर्माण झाले होते.

गावातील श्री. दत्तात्रय धुडकु बोरसे, श्री. शरद धुडकु बोरसे, श्री. तुषार रमेश बोरसे, श्री. भूषण जयवंतराव बोरसे आणि श्री. हेमराज रमेश बोरसे (दादू वायरमन) यांच्या निवासस्थानी श्री कानबाई मातेची शास्त्रोक्त पद्धतीने स्थापना करून पूजन करण्यात आले.

उत्सवानिमित्त काढण्यात आलेली भव्य मिरवणूक हे सोहळ्याचे विशेष आकर्षण ठरले. चोपडा येथील प्रसिद्ध **'शिव बँड'**च्या तालावर तसेच भक्तिगीतांच्या गजरात मिरवणूक गावातील प्रमुख मार्गांवरून उत्साहात पार पडली. मिरवणुकीत महिला, तरुण तसेच आबालवृद्धांनी मोठ्या संख्येने सहभागी होत भक्तीमय वातावरण निर्माण केले.

यावेळी दोंडाईचा येथील प्रसिद्ध सोनू भगत (दोंडाईचावाले) यांनी विधीवत धार्मिक कार्य पार पाडले. उत्सवादरम्यान भाविकांसाठी महाप्रसादाचे आयोजन करण्यात आले होते. ग्रामस्थांनी मोठ्या भक्तिभावाने महाप्रसादाचा लाभ घेतला.

संपूर्ण उत्सवात गावातील आबालवृद्ध, महिला आणि तरुण मंडळी यांनी एकत्रित सहभाग घेतला. ग्रामस्थांच्या एकोप्यामुळे आणि सहकार्यामुळे श्री कानबाई मातेचा उत्सव उत्साहात तसेच शांततेत पार पडला.

उत्सव यशस्वी करण्यासाठी बोरसे परिवारासह अनवर्दे खुर्द येथील सर्व ग्रामस्थांनी मोलाचे सहकार्य केले.