जीसीओई येथे स्मार्ट इंडिया हॅकाथॉन अंतर्गत हॅकेथॉन स्पर्धा संपन्न1

जीसीओई येथे स्मार्ट इंडिया हॅकाथॉन अंतर्गत हॅकेथॉन स्पर्धा संपन्न जीसीओई, जळगाव येथे स्मार्ट इंडिया हॅकाथॉन अंतर्गत आयोजित हॅकाथॉन स्पर्धेती...

जीसीओई येथे स्मार्ट इंडिया हॅकाथॉन अंतर्गत हॅकेथॉन स्पर्धा संपन्न

जीसीओई, जळगाव येथे स्मार्ट इंडिया हॅकाथॉन अंतर्गत आयोजित हॅकाथॉन स्पर्धेतील विजेत्या संघासोबत प्राचार्य डॉ. विजयकुमार पाटील, अजिंक्य तोतला महाविद्यालयाचे डीन आणि विभागप्रमुख उपस्थित

लियाकत शाह जळगांव

(संपादक : हेमकांत गायकवाड)

विद्यार्थ्यांमध्ये नाविन्यपूर्ण विचार, समस्या सोडवण्याची क्षमता, तंत्रज्ञानाचा प्रभावी वापर आणि उद्योजकतेची भावना विकसित करण्याच्या उद्देशाने, भारत सरकारच्या शिक्षण मंत्रालयाच्या 'स्मार्ट इंडिया हॅकेथॉन २०२६' या राष्ट्रीय उपक्रमाचा एक भाग म्हणून, १५ सप्टेंबर रोजी गोदावरी कॉलेज ऑफ इंजिनिअरिंग, जळगाव येथे अंतर्गत हॅकेथॉन स्पर्धेचे आयोजन करण्यात आले होते.

या कार्यक्रमाचे उद्घाटन महाविद्यालयाचे प्राचार्य डॉ. विजयकुमार पाटील, मुख्य परीक्षक अजिंक्य तोतला आणि महाविद्यालयाचे सर्व डीन व विभागप्रमुख यांच्या उपस्थितीत झाले. अजिंक्य तोतला हे एक तरुण उद्योजक, उद्योजकता क्षेत्रातील अग्रणी आणि 'एंटरप्रेन्योरशिप इकोसिस्टम'चे संस्थापक आहेत.

कार्यक्रमाच्या सुरुवातीला डॉ. अतुल बारहाटे यांनी प्रास्ताविक सादर केले. त्यांनी 'स्मार्ट इंडिया हॅकेथॉन'ची संकल्पना, स्पर्धेचे स्वरूप आणि विद्यार्थ्यांसाठी उपलब्ध असलेल्या संधी स्पष्ट केल्या. त्यांनी विद्यार्थ्यांना नाविन्यपूर्ण विचार अंगीकारून तंत्रज्ञानाच्या माध्यमातून दिलेल्या समस्यांवर प्रभावी उपाय शोधण्याचे आवाहन केले. यानंतर, स्पर्धेत सहभागी झालेल्या विविध संघांनी सॉफ्टवेअर आणि हार्डवेअर या दोन विभागांमध्ये सादर केलेल्या समस्यांवर आधारित त्यांच्या नाविन्यपूर्ण कल्पना आणि उपाय सादर केले. विविध संघांनी उत्स्फूर्तपणे सहभाग घेतला आणि त्यांच्या कल्पना प्रभावीपणे सादर केल्या.

स्पर्धेचे परीक्षण अजिंक्य तोतला यांनी केले, तर अंतर्गत मूल्यांकन डॉ. निलेश चौधरी, डॉ. सचिन माहेश्वरी आणि डॉ. किशोर महाजन यांनी केले. विजेते संघ: प्रथम क्रमांक अल्गोनिक्स संघाला, द्वितीय क्रमांक डिजिटल टायटन्स संघाला आणि तृतीय क्रमांक अग्निटर्स एक्स संघाला मिळाला.

कार्यक्रमाचे सूत्रसंचालन रिद्धी भिरुड यांनी केले आणि आभार प्रदर्शन मोईश नारखेडे यांनी केले. महाविद्यालयाचे डीन, विभागप्रमुख, प्राध्यापक आणि विद्यार्थी यांच्या सहकार्यामुळे कार्यक्रमाचे यशस्वी आयोजन झाले. संस्थेच्या अधिकाऱ्यांनी या कार्यक्रमाच्या आयोजनाबद्दल कौतुक व्यक्त केले आहे.