पावसाने ओढ दिली; शेतात मशागतीची लगबग निलंग्यात शेतकरी भगवान कांबळे यांची पिकांच्या निगेसाठी धडपड; खुरपणीसह कीटकनाशक फवारणीचे काम सुरू

  पावसाने ओढ दिली; शेतात मशागतीची लगबग निलंग्यात शेतकरी भगवान कांबळे यांची पिकांच्या निगेसाठी धडपड; खुरपणीसह कीटकनाशक फवारणीचे काम सुरू निलं...

 पावसाने ओढ दिली; शेतात मशागतीची लगबग

निलंग्यात शेतकरी भगवान कांबळे यांची पिकांच्या निगेसाठी धडपड; खुरपणीसह कीटकनाशक फवारणीचे काम सुरू

निलंगा येथील शेतकरी भगवान कांबळे यांच्या शेतात आंतरमशागत व कीटकनाशक फवारणीचे काम सुरू असताना

लातूर, जि. प्र. (उत्तम माने )

(संपादक : हेमकांत गायकवाड)

यंदा पावसाने सुरुवातीला ओढ दिल्याने खरीप हंगामातील पिकांच्या वाढीबाबत शेतकऱ्यांमध्ये चिंता निर्माण झाली होती. मात्र, उपलब्ध पावसाचा आणि जमिनीतील ओलाव्याचा योग्य वापर करून पिकांची निगा राखण्यासाठी शेतकऱ्यांची धडपड सुरू आहे. निलंगा येथील शेतकरी भगवान कांबळे यांच्या शेतात सध्या आंतरमशागतीची कामे वेगाने सुरू असून, खुरपणी, तणनियंत्रण तसेच कीटकनाशक फवारणी करण्यात येत आहे.

पावसातील अनिश्चिततेमुळे पिकांमध्ये तणांचा प्रादुर्भाव वाढण्याची शक्यता असते. तणांमुळे पिकांना आवश्यक असलेली अन्नद्रव्ये, पाणी आणि सूर्यप्रकाश यासाठी स्पर्धा निर्माण होते. त्यामुळे पिकांची वाढ चांगली राहावी, यासाठी शेतकरी वेळोवेळी खुरपणी आणि तणनियंत्रणाची कामे करीत आहेत. कांबळे यांच्या शेतातही पिकांमधील तण काढण्याचे काम सुरू असून, पिकांवर कीड व रोगांचा प्रादुर्भाव होऊ नये, यासाठी कीटकनाशकाची फवारणी केली जात आहे.

खरीप हंगामातील पिकांसाठी पाऊस, योग्य वेळी आंतरमशागत आणि पिकांची निगा या बाबी महत्त्वाच्या मानल्या जातात. पेरणीपासून पीक काढणीपर्यंत शेतकऱ्यांना अनेक संकटांचा सामना करावा लागतो. बियाणे, खते, औषधे, मजुरी आणि मशागतीसाठी मोठा खर्च झालेला असल्याने उभे पीक वाचविण्यासाठी शेतकरी सातत्याने प्रयत्नशील आहेत.

पावसाने काही प्रमाणात ओढ दिली असली, तरी शेतकऱ्यांची मेहनत मात्र थांबलेली नाही. हातात खुरपे आणि खांद्यावर फवारणीचे पंप घेऊन पिकांची काळजी घेणाऱ्या शेतकऱ्यांच्या कष्टाचे चित्र निलंग्यातील शेतशिवारात पाहायला मिळत आहे. पिके चांगली यावीत आणि खरीप हंगामातून समाधानकारक उत्पादन मिळावे, यासाठी भगवान कांबळे यांच्यासह परिसरातील शेतकरी शेतात राबताना दिसत आहेत.