शिरपूरमध्ये ‘नवरात्री दांडिया महोत्सव २०२६’ची रंगत! १५ नामवंत कलाकारांच्या बहारदार सादरीकरणाने नवरात्रोत्सवात रंगणार सांस्कृतिक जल्लोष

 शिरपूरमध्ये ‘नवरात्री दांडिया महोत्सव २०२६’ची रंगत! १५ नामवंत कलाकारांच्या बहारदार सादरीकरणाने नवरात्रोत्सवात रंगणार सांस्कृतिक जल्लोष स्व....

 शिरपूरमध्ये ‘नवरात्री दांडिया महोत्सव २०२६’ची रंगत! १५ नामवंत कलाकारांच्या बहारदार सादरीकरणाने नवरात्रोत्सवात रंगणार सांस्कृतिक जल्लोष

स्व. तपनभाई पटेल यांच्या स्मरणार्थ अल्टिमेट डान्स अकॅडमी प्रस्तुत; बिग बॉस, महाराष्ट्राची हास्य जत्रा आणि खान्देशातील प्रसिद्ध कलाकारांची मांदियाळी 

शिरपूर, प्रतिनिधी :

(संपादक -:- हेमकांत गायकवाड)

शिरपूर, खान्देशच्या सांस्कृतिक वैभवात भर घालणारा आणि नवरात्रोत्सवाच्या आनंदाला नवी उंची देणारा ‘नवरात्री दांडिया महोत्सव २०२६’ शिरपूर शहरात भव्य स्वरूपात आयोजित करण्यात आला आहे. स्वर्गीय तपनभाई पटेल यांच्या स्मरणार्थ अल्टिमेट डान्स अकॅडमी, शिरपूर यांच्या वतीने होणाऱ्या या महोत्सवात मराठी मनोरंजन क्षेत्रातील नामवंत कलाकारांसह खान्देशातील सुप्रसिद्ध गायक, गायिका, नृत्यकलाकार आणि मनोरंजन क्षेत्रातील कलाकार आपली कला सादर करणार आहेत. त्यामुळे शिरपूरकरांना गरबा-दांडियासह संगीत, नृत्य आणि मनोरंजनाची अनोखी पर्वणी मिळणार आहे. दि. ११ ते २० ऑक्टोबर २०२६ या कालावधीत दररोज सायंकाळी ७ ते रात्री १० वाजेपर्यंत स्वामी नारायण मंदिरासमोरील क्रिकेट ग्राउंड, शिरपूर येथे हा महोत्सव रंगणार आहे. महाराष्ट्र व खान्देशातील सुप्रसिद्ध कलाकारांच्या सहभागामुळे या महोत्सवाकडे नागरिकांचे विशेष लक्ष लागले आहे.

        बिग बॉस, हास्य जत्रा आणि मनोरंजन क्षेत्रातील कलाकारांची उपस्थिती

  या महोत्सवाचे प्रमुख आकर्षण म्हणजे मराठी मनोरंजन विश्वातील कलाकारांचे बहारदार कार्यक्रम. मराठी बिग बॉसशी संबंधित कलाकार सचिन कुमावत आणि अभिनेत्री रुचिता जामदार , तसेच ‘महाराष्ट्राची हास्य जत्रा’मधील सुप्रसिद्ध अभिनेता  श्यामसुंदर राजपूत यांच्या सादरीकरणामुळे प्रेक्षकांना मनोरंजनाची खास मेजवानी मिळणार आहे. सुप्रसिद्ध रिल स्टार राशी शिंदे यांचाही कार्यक्रम या महोत्सवात रंगणार आहे.

त्याचबरोबर श्री महंत हरिहरा पार्वती नंदगिरी दादू महाराज, उर्फ दादू भगत, यांच्या सहभागामुळे महोत्सवाला विशेष महत्त्व प्राप्त होणार आहे.

     खान्देशातील नामवंत कलाकारांच्या सादरीकरणाची मेजवानी

      या महोत्सवात खान्देशातील कलाकारांना व्यासपीठ उपलब्ध करून देण्यावर विशेष भर देण्यात आला आहे. प्रसिद्ध कलाकार व गायक-गायिकांच्या सादरीकरणाने प्रत्येक दिवस अधिक रंगतदार होणार आहे.   या महोत्सवात आपली कला सादर करणाऱ्या कलाकारांमध्ये सोनाली शिंदे, अशोक पाटील, श्रावणी मोरे, दीपक देवराज, संध्या अंबोरे, प्रशांत देसले, भैय्या माळी, पुष्पा ठाकूर, मीना रणदिवे पाटील आणि गायत्री राजपूत यांचा समावेश आहे. या कलाकारांच्या बहारदार सादरीकरणामुळे संगीतप्रेमी, नृत्यप्रेमी आणि मनोरंजनाची आवड असलेल्या नागरिकांना एकाच व्यासपीठावर विविध कलांचा आनंद घेता येणार आहे. गाण्यांचे सूर, नृत्याची लय, पारंपरिक गरबा-दांडिया आणि आधुनिक मनोरंजन यांचा सुरेख संगम या महोत्सवाचे वैशिष्ट्य ठरणार आहे.

    गरबा-दांडियासह स्पर्धा आणि आकर्षक बक्षिसे

    नवरात्रोत्सव हा भक्ती, शक्तीची उपासना आणि सांस्कृतिक परंपरेचा उत्सव आहे. याच उत्साहात महोत्सवात गरबा रास, दांडिया रास, सांस्कृतिक कार्यक्रम आणि विविध मनोरंजनपर उपक्रमांचे आयोजन करण्यात आले आहे यासोबतच सर्वोत्तम वेशभूषा, सर्वोत्तम जोडिदार डान्स, अनोखी रूपसज्जा आणि उत्कृष्ट सादरीकरण अशा विविध उपक्रमांनाही स्थान देण्यात आले आहे. दररोज सहभागींसाठी आकर्षक बक्षिसे देण्याचे नियोजन करण्यात आले आहे. महिला, युवक-युवती आणि कुटुंबीयांना एकत्रितपणे नवरात्रोत्सवाचा आनंद घेता यावा, हा या उपक्रमामागील प्रमुख उद्देश आहे.

 स्व. तपनभाई पटेल यांच्या स्मरणार्थ सांस्कृतिक उपक्रम

 स्वर्गीय तपनभाई पटेल यांच्या स्मृतींना अभिवादन करण्यासाठी या महोत्सवाचे आयोजन करण्यात आले आहे. सांस्कृतिक कार्यक्रमांच्या माध्यमातून समाजातील विविध घटकांना एकत्र आणणे, स्थानिक कलाकारांना प्रोत्साहन देणे आणि खान्देशच्या कला-संस्कृतीला व्यापक व्यासपीठ उपलब्ध करून देणे, या दृष्टीने या महोत्सवाचे महत्त्व अधोरेखित होत आहे.

आयोजक भाऊसाहेब गणेश सावळे यांचा पुढाकार

या महोत्सवाचे आयोजक भाऊसाहेब गणेश सावळे असून, अल्टिमेट डान्स अकॅडमी, शिरपूर यांच्या माध्यमातून कार्यक्रमाचे आयोजन करण्यात आले आहे. नवरात्रोत्सवाच्या निमित्ताने नागरिकांना दर्जेदार सांस्कृतिक कार्यक्रमांचा अनुभव मिळावा आणि शिरपूर शहराच्या सांस्कृतिक क्षेत्राला नवी ओळख मिळावी, या उद्देशाने हा उपक्रम राबविण्यात येत आहे.

   नागरिकांना सहभागी होण्याचे आवाहन

शिरपूर शहरासह परिसरातील नागरिक, महिला, युवक-युवती, गरबा-दांडिया प्रेमी आणि संगीतप्रेमींनी या महोत्सवात मोठ्या संख्येने सहभागी व्हावे, असे आवाहन आयोजकांच्या वतीने करण्यात आले आहे  नवरात्रोत्सवाच्या मंगलमय वातावरणात भक्ती, संगीत, नृत्य, कला आणि मनोरंजन यांचा सुरेख मिलाफ घडविणारा ‘नवरात्री दांडिया महोत्सव २०२६’ शिरपूरकरांसाठी एक अविस्मरणीय सांस्कृतिक पर्व ठरण्याची अपेक्षा व्यक्त होत आहे.

महोत्सव : नवरात्री दांडिया महोत्सव २०२६

आयोजक : भाऊसाहेब गणेश सावळे

प्रस्तुत : अल्टिमेट डान्स अकॅडमी, शिरपूर

कालावधी :

 ११ ते २० ऑक्टोबर २०२६

वेळ : दररोज सायंकाळी ७ ते रात्री १०

स्थळ : स्वामी नारायण मंदिरासमोरील क्रिकेट ग्राउंड, शिरपूर

संपर्क : ८८८८६३६३५९ / ९९२२२९९०३३ / ९७६३४७९५७२ / ७०२०३१२५०५