‘खाकीतल्या माणुसकी’चा गौरव! पोलीस निरीक्षक पवन देसले व त्यांच्या सहकाऱ्यांचा शीतला माता नवदुर्गा मंडळातर्फे नागरी सत्कार

 ‘खाकीतल्या माणुसकी’चा गौरव! पोलीस निरीक्षक पवन देसले व त्यांच्या सहकाऱ्यांचा शीतला माता नवदुर्गा मंडळातर्फे नागरी सत्कार चोपडा प्रतिनिधी  (...

 ‘खाकीतल्या माणुसकी’चा गौरव!

पोलीस निरीक्षक पवन देसले व त्यांच्या सहकाऱ्यांचा शीतला माता नवदुर्गा मंडळातर्फे नागरी सत्कार

चोपडा प्रतिनिधी 

(संपादक : हेमकांत गायकवाड)

चोपडा : गणेशोत्सवानंतर तापी नदीत विसर्जित केलेल्या काही श्री गणेशमूर्ती भग्नावस्थेत पडून असल्याचे निदर्शनास आल्यानंतर चोपडा शहर पोलीस ठाण्याचे पोलीस निरीक्षक पवन देसले यांनी आपल्या सहकाऱ्यांसह पुढाकार घेत या मूर्तींचे योग्य रीतीने विसर्जन केले. धार्मिक श्रद्धेचा आदर राखत सामाजिक संवेदनशीलतेचे दर्शन घडविणाऱ्या त्यांच्या या स्तुत्य कार्यातून ‘खाकीतही माणुसकी जिवंत असते’ याची प्रचिती आली. या कार्याचा गौरव करण्यासाठी शीतला माता नवदुर्गा मंडळ, भाट गल्ली, चोपडा यांच्या वतीने पोलीस निरीक्षक पवन देसले व त्यांच्या संपूर्ण पथकाचा बुधवार, दि. २१ ऑक्टोबर २०२६ रोजी नागरी सत्कार करण्यात आला. या उपक्रमासाठी चोपडा नगरपरिषदेचे भारतीय जनता पक्षाचे नगरसेवक तथा गटनेते गजेंद्र जैसवाल यांचे मार्गदर्शन लाभले.

गणेशोत्सव हा महाराष्ट्राच्या धार्मिक आणि सांस्कृतिक परंपरेतील महत्त्वाचा उत्सव आहे. उत्सवाची सांगता झाल्यानंतर तापी नदीत विसर्जित केलेल्या काही गणेशमूर्ती भग्नावस्थेत आढळून आल्या. या मूर्तींचे योग्य व्यवस्थापन व्हावे, धार्मिक भावनांचा आदर राखला जावा आणि श्रद्धेचे पावित्र्य जपले जावे, या भावनेतून पोलीस निरीक्षक पवन देसले यांनी आपल्या सहकाऱ्यांसह पुढाकार घेतला. त्यांच्या या कृतीतून कर्तव्यनिष्ठेसोबतच सामाजिक बांधिलकी, धार्मिक श्रद्धेविषयीचा आदर आणि संवेदनशीलतेचे दर्शन घडले.

पोलीस निरीक्षकांसह संपूर्ण पथकाचा गौरव

या स्तुत्य कार्याची दखल घेत नगरसेवक. गजेंद्र जैसवाल यांच्या मार्गदर्शनाखाली शीतला माता नवदुर्गा मंडळाच्या वतीने पोलीस निरीक्षक पवन देसले यांच्यासह त्यांच्या सहकाऱ्यांचा नागरी सत्कार करण्यात आला. यामध्ये संतोष पारधी, प्रदीप पवार, संदीप भोई, चंदन पाटील, निलेश वाघ जगन्नाथ पाटील आणि  विनोद पाटील यांचा समावेश होता.

गणेशमूर्तींचे योग्य रीतीने विसर्जन करण्यासाठी पुढाकार घेणाऱ्या या सर्व पोलीस अधिकारी व कर्मचाऱ्यांच्या संवेदनशील आणि कर्तव्यनिष्ठ कार्याचा गौरव करून त्यांना सन्मानित करण्यात आले. त्यांच्या या कार्यामुळे धार्मिक श्रद्धेचा सन्मान राखण्यासोबतच सामाजिक बांधिलकीचेही दर्शन घडल्याची भावना यावेळी व्यक्त करण्यात आली.

या प्रसंगी ज्येष्ठ नागरिक ईश्वर काका भाट, ॲड. उमेश शहादू मराठे, गिरीश भाट आणि मनोज लोहार यांची व्यासपीठावर प्रमुख उपस्थिती होती.

कर्तव्यनिष्ठेसोबत सामाजिक बांधिलकीचेही दर्शन

कायदा व सुव्यवस्था राखण्याची जबाबदारी पार पाडतानाच समाजातील धार्मिक भावना आणि श्रद्धेचा आदर राखून समाजोपयोगी कार्य करणाऱ्या पोलीस अधिकाऱ्यांच्या या कृतीचे सर्व स्तरांतून कौतुक होत आहे. पोलीस दलातील अधिकारी व कर्मचारी हे केवळ कायद्याचे रक्षक नसून समाजाप्रती संवेदनशीलता आणि सामाजिक बांधिलकी जपणारे घटकही आहेत, हा सकारात्मक संदेश या कार्यातून मिळाला.

पोलीस निरीक्षक पवन देसले व त्यांच्या सहकाऱ्यांनी केलेल्या या कार्याबद्दल नागरिकांमधून समाधान व्यक्त करण्यात आले. कर्तव्यापलीकडे जाऊन सामाजिक आणि धार्मिक भावनांचा सन्मान करणाऱ्या व्यक्तींचा गौरव होणे ही समाजासाठी प्रेरणादायी बाब असल्याची भावना उपस्थितांनी व्यक्त केली.

मंडळाचे पदाधिकारी व कार्यकर्त्यांची उपस्थिती

कार्यक्रमाच्या यशस्वी आयोजनासाठी विजय माळी, नितीन भाट, भूपेंद्र मराठे,  दिनेश जाधव, मनीष भाट, संदीप चव्हाण, प्रकाश भाट,. रवींद्र लोहार. विशाल भावसार,  संजय भाट, राजेंद्र महाजन, जगदीश भाट सुनील पाटील,  निखिल भाट, सुनिल माळी तसेच जागृती क्लब, भाट गल्ली येथील सर्व पदाधिकारी आणि महिला भगिनी उपस्थित होत्या.

कार्यक्रमाचे प्रास्ताविक मनोहर मराठे सर यांनी केले, तर आभार प्रदर्शन  गिरीश भाट यांनी केले.