माणुसकीचा सुगंध जपणारे दिलदार व्यक्तिमत्त्व डॉ. राहुल खन्ना ! रुग्णसेवा हीच ईश्वरसेवा मानत गरजूंच्या मदतीसाठी सदैव तत्पर असणारे व्यक्तिमत्त...
माणुसकीचा सुगंध जपणारे दिलदार व्यक्तिमत्त्व डॉ. राहुल खन्ना !
रुग्णसेवा हीच ईश्वरसेवा मानत गरजूंच्या मदतीसाठी सदैव तत्पर असणारे व्यक्तिमत्त्व ..
माणुसकीच्या दुनियेत काही व्यक्तिमत्त्वे अशी असतात, जी आपल्या कार्यातून, स्वभावातून आणि सेवाभावातून समाजाच्या मनात आपले वेगळे स्थान निर्माण करतात. प्रसिद्धीच्या झगमगाटापासून दूर राहून, कोणताही गाजावाजा न करता गरजूंच्या मदतीसाठी धावून जाणारी माणसे समाजासाठी खऱ्या अर्थाने प्रेरणास्थान ठरतात. अशाच दिलदार, हसमुख आणि सेवाभावी व्यक्तिमत्त्वाचे नाव म्हणजे आमचे मित्र डॉ. राहुल खन्ना सर !
रुग्णसेवा हीच ईश्वरसेवा!
डॉक्टर हा केवळ उपचार करणारा व्यक्ती नसतो, तर तो रुग्णाच्या मनात आशेचा किरण निर्माण करणारा, वेदनेच्या काळात आधार देणारा आणि संकटाच्या प्रसंगी दिलासा देणारा सेवक असतो. याच सेवाभावी विचाराला आपल्या कार्यातून प्रत्यक्षात उतरविण्याचा प्रयत्न डॉ. राहुल खन्ना सर सातत्याने करीत असतात. रुग्णांच्या वेदना समजून घेणे, त्यांना योग्य उपचारांसाठी मार्गदर्शन करणे आणि आपल्या परीने मदतीचा हात पुढे करणे, ही त्यांच्या व्यक्तिमत्त्वाची महत्त्वाची वैशिष्ट्ये आहेत.
वरुड शहरातील काठीवाले कॉम्प्लेक्सच्या वरच्या मजल्यावर असलेल्या खन्ना हॉस्पिटलच्या माध्यमातून ते रुग्णसेवेचे कार्य करीत आहेत. मुळव्याध, फिशर, भगंदर व इतर गुदरोगांच्या उपचारांसाठी तज्ज्ञ म्हणून त्यांची ओळख आहे. आरोग्यसेवेच्या क्षेत्रात रुग्णांना उपचार व मार्गदर्शन देताना सेवाभाव जपण्याचा त्यांचा दृष्टिकोन निश्चितच कौतुकास्पद आहे.
गरजूंच्या मदतीसाठी सदैव तत्पर!
समाजात अनेक लोक आपल्या कार्याची प्रसिद्धी करण्यासाठी धडपडताना दिसतात; मात्र काही माणसे अशी असतात, ज्यांना प्रसिद्धीपेक्षा माणसाच्या चेहऱ्यावरील समाधान अधिक महत्त्वाचे वाटते. डॉ. राहुल खन्ना सर हे अशाच स्वभावाचे व्यक्तिमत्त्व असल्याची त्यांची मित्रपरिवारात ओळख आहे. एखादी व्यक्ती अडचणीत असल्याचे समजले, एखाद्याला मदतीची गरज भासली, तर आपल्या परीने मदतीसाठी पुढे सरसावण्याची त्यांची वृत्ती माणुसकीचे दर्शन घडवते.
शासकीय विविध आरोग्य शिबिरांमध्ये सहभागी होऊन आपल्या परीने सहकार्य करण्याची त्यांची धडपड ही समाजाप्रती असलेल्या बांधिलकीची जाणीव करून देते. आरोग्यसेवा ही केवळ व्यवसायापुरती मर्यादित न राहता समाजहिताचे माध्यम बनावी, हा विचार अशा उपक्रमांतून अधोरेखित होतो.
क्रिकेटच्या मैदानावरही हसतमुख व्यक्तिमत्त्व!
डॉ. राहुल खन्ना सर यांचे व्यक्तिमत्त्व केवळ वैद्यकीय क्षेत्रापुरते मर्यादित नाही. क्रिकेट क्षेत्रातही ते एक हसतमुख, मनमिळाऊ आणि सर्वांशी आपुलकीने वागणारे व्यक्तिमत्त्व म्हणून परिचित आहेत. मैदानावरील मैत्रीपूर्ण स्वभाव, सहकाऱ्यांशी जिव्हाळ्याचे संबंध आणि आनंदी वृत्ती यामुळे त्यांनी अनेकांच्या मनात आपले स्थान निर्माण केले आहे.
त्यांच्या व्यक्तिमत्त्वातील ही सहजता आणि माणसांना जोडून ठेवण्याची कला त्यांना अधिक आपलेसे बनवते. कारण माणूस किती मोठे काम करतो, यापेक्षा तो इतर माणसांशी किती आपुलकीने वागतो, यावरही त्याचे खरे मोठेपण ठरत असते.
वाढदिवसानिमित्त मनःपूर्वक शुभेच्छा !
आज, ९ ऑक्टोबर रोजी डॉ. राहुल खन्ना सर यांचा वाढदिवस. या आनंदाच्या निमित्ताने त्यांच्या सेवाभावी कार्याचा गौरव करताना मनापासून आनंद होत आहे. त्यांच्या हातून अशीच रुग्णसेवा घडत राहो, त्यांच्या सामाजिक कार्याला अधिक व्यापक स्वरूप लाभो आणि त्यांच्या आयुष्यात सुख, समाधान व आनंदाची सदैव बरसात होत राहो, हीच सदिच्छा!
ईश्वराने त्यांना उत्तम आरोग्य, दीर्घायुष्य आणि निरोगी जीवन प्रदान करावे. त्यांच्या चेहऱ्यावरील हास्य असेच कायम राहावे आणि त्यांच्या हातून गरजूंची सेवा करण्याचे कार्य अखंडपणे घडत राहावे, हीच ईश्वरचरणी प्रार्थना.
वाढदिवसाच्या हार्दिक शुभेच्छा, डॉ. राहुल खन्ना सर!
आपल्या सेवाभावी कार्यातून माणुसकीचा सुगंध असाच दरवळत राहो आणि आपल्या मैत्रीचा स्नेह सदैव कायम राहो!
संकलन
प्रविण वसंतराव सावरकर
संपादक, दैनिक वरूड केसरी .
साप्ताहिक चुडामणी दर्शन
नगरसेवक, नगर परिषद वरुड
---------------------------------------------
वृत्त प्रसिद्धी सहयोग
समता मीडिया सर्व्हिसेस
श्रीरामपूर - 9561174111
No comments