लेखणी ते रुपेरी पडदा...! नाशिकच्या कलामातीतील सुनिल मोंढेंची 'मोठ्या पडद्यावर' दमदार एन्ट्री; नव्या चित्रपटाची जोरदार चर्चा

लेखणी ते रुपेरी पडदा...! नाशिकच्या कलामातीतील सुनिल मोंढेंची 'मोठ्या पडद्यावर' दमदार एन्ट्री; नव्या चित्रपटाची जोरदार चर्चा धुळे/प्र...

लेखणी ते रुपेरी पडदा...! नाशिकच्या कलामातीतील सुनिल मोंढेंची 'मोठ्या पडद्यावर' दमदार एन्ट्री; नव्या चित्रपटाची जोरदार चर्चा

धुळे/प्रतिनिधी - नरेंद्र रायसिंग ( अधिकृत पत्रकार )

(संपादक : हेमकांत गायकवाड)

धुळे - मराठी चित्रपटसृष्टीत नवनवीन विषय, नव्या कथा आणि नव्या प्रतिभेचे स्वागत होत असताना नाशिकच्या कलाक्षेत्रातून एक मोंढे नाव मोठ्या पडद्याच्या दिशेने झेपावण्यास सज्ज झाले आहे. कलावंतांच्या प्रश्नांसाठी आणि त्यांच्या कलेला व्यासपीठ मिळवून देण्यासाठी सातत्याने कार्यरत असलेले सुनिल मोंढे आता आपल्या आगामी मराठी चित्रपटाच्या माध्यमातून चित्रपटसृष्टीत दमदार प्रवेश करीत आहेत. तसेच कथा, पटकथा आणि संवाद अशी चित्रपटाच्या लेखनाची सर्वात महत्त्वाची जबाबदारी सुनील मोंढे यांनी सांभाळली आहे. त्यामुळे या चित्रपटाकडे केवळ आणखी एक चित्रपट म्हणून नव्हे, तर नाशिकच्या कलामातीतून निर्माण झालेल्या एका नव्या कला प्रवासाची सुरुवात म्हणून पाहिले जात आहे. कलावंतांशी असलेली नाळ, रंगभूमी व सांस्कृतिक क्षेत्राचा अनुभव आणि समाजातील विविध स्तरांतील माणसांशी असलेला जवळचा संबंध यामुळे मोंढे यांच्या लेखणीतून येणाऱ्या कथेबाबत उत्सुकता निर्माण झाली आहे. सामान्य माणसाच्या भावना, संघर्ष, स्वप्ने आणि वास्तवाला पडद्यावर स्थान देण्याचा प्रयत्न या चित्रपटातून होणार असल्याचे संकेत मिळत आहेत.

 “कलावंतांना व्यासपीठ, मराठी चित्रपटाला नवी दिशा”

सुनील मोंढे यांचा आजवरचा प्रवास हा केवळ एका व्यक्तीचा प्रवास नसून कलावंतांना जोडण्याचा प्रवास राहिला आहे. कलावंत विचार मंच,कमल फिल्म प्रोडक्शन आणी कमल म्युझिक मराठी यांच्या माध्यमातून त्यांनी कलावंतांच्या सन्मानासाठी विविध उपक्रम राबविले आहेत. आता त्याच कलावंतांच्या विश्वातून चित्रपट निर्मितीकडे त्यांनी घेतलेली झेप विशेष महत्त्वाची मानली जात आहे. चित्रपट हे केवळ मनोरंजनाचे माध्यम नसून समाजमनाला स्पर्श करणारी ताकद आहे, या भूमिकेतून नव्या चित्रपटाची निर्मिती करण्याचा प्रयत्न असल्याचे सांगितले जात आहे. त्यामुळे या चित्रपटातून मनोरंजना सोबतच एक वेगळा आशय आणि भावनिक अनुभव प्रेक्षकांना मिळण्याची अपेक्षा व्यक्त केली जात आहे.

 पोस्टर अनावरणाची उत्सुकता  - 

या आगामी मराठी चित्रपटाचा पोस्टर अनावरण सोहळा रविवार,दिनांक १ नोव्हेंबर २०२६ रोजी सकाळी ठीक ११ वाजता, पं.सा. नाट्यमंदिर, नेहरू गार्डन शेजारी, शालिमार, नाशिक येथे आयोजित करण्यात आला आहे. विशेष म्हणजे याच दिमाखदार सोहळ्यात ‘सन्मान कलावंतांचा पुरस्कार-२०२६’ या पुरस्काराचेही आयोजन करण्यात आले आहे. त्यामुळे नाशिकच्या कलाक्षेत्रासाठी हा दिवस विशेष ठरणार आहे.कलाक्षेञातील नामावंत मान्यवरंच्या उपस्थित हा सोहळा होणार आहे. सदर या कार्यक्रमाचे स्वागताध्यक्ष मा. श्री. सुनील मोंढे सर आहेत.

 नाशिकच्या कलाकारांसाठी नवी संधी -

मराठी चित्रपटसृष्टीचा विस्तार मुंबई-पुण्यापुरता मर्यादित न राहता महाराष्ट्रातील विविध शहरांतील कलाकारांना संधी मिळावी, अशी अपेक्षा सुनील मोंढे यांची अनेक वर्षांपासून इच्छा व्यक्त होत आहे. अशा परिस्थितीत नाशिकमधून चित्रपट निर्मितीच्या क्षेत्रात होणारी ही नवी सुरुवात स्थानिक कलाकारांसाठी महत्त्वाची ठरू शकते.

नाशिकमध्ये अभिनय, लेखन, दिग्दर्शन, संगीत, तंत्रज्ञान आणि इतर विविध क्षेत्रांत मोठ्या प्रमाणावर प्रतिभा आहे. या प्रतिभेला योग्य व्यासपीठ मिळवून देण्याच्या दिशेने सुनील मोंढे यांचा हा प्रयत्न महत्त्वाचा टप्पा ठरू शकतो.

 रुपेरी पडद्यावर कोणती कथा?

चित्रपटाचे पोस्टर अनावरण होण्यापूर्वीच चित्रपटाचे कथानक, कलाकार आणि चित्रपटाची मांडणी याबाबत रसिकांमध्ये उत्सुकता निर्माण झाली आहे. सुनील मोंढे यांच्या लेखणीतून साकारलेली ही कथा पडद्यावर कशी उलगडणार, कोणते कलाकार या चित्रपटाचा भाग असणार आणि चित्रपटाचा विषय नेमका काय आहे, याकडे आता सर्वांचे लक्ष लागले आहे. कलाक्षेत्रात काम करणाऱ्या व्यक्तीने स्वतः कथा लिहून ती रुपेरी पडद्यावर आणण्याचे स्वप्न पाहणे आणि ते प्रत्यक्षात आणण्या साठी पुढे येणे, हा स्वतःमध्येच प्रेरणादायी प्रवास आहे. सुनील मोंढे यांची हीच नवी वाटचाल नाशिकच्या सांस्कृतिक विश्वासाठी चर्चेचा विषय ठरत आहे.आता प्रतीक्षा आहे ती पोस्टर अनावरणाची आणि त्यानंतर रुपेरी पडद्यावर उमटणाऱ्या या नव्या मराठी चित्रपटाच्या पहिल्या दर्शनाची! नाशिकच्या मातीतून उगवलेली कथा आता महाराष्ट्राच्या रुपेरी पडद्यावर पोहोचणार... सुनील मोंढे यांच्या या नव्या सिनेमॅटिक प्रवासाकडे मराठी रसिकांचे लक्ष लागले आहे.

आणी राज्या बाहेरील कलावंतांचे देखील अभिनंदन व शुभेच्छांचे वार्ता येत आहे.